कोमाकी स्कुटर र बाइकमा ३९ हजारसम्म छुट

काठमाडौं– इलेक्ट्रिक टु–ह्विलर ब्राण्ड कोमाकीले नगद छुट अफर ल्याएको छ । नेपालका लागी आधिकारिक वितरक यूनिटी ट्रेडिङले ‘नाई भन्नै नसकिने छुट’ अफर अन्तर्गत ३९ हजारसम्म छुटमा स्कुटर र मोटरसाइकल बिक्री गर्ने योजना ल्याएको हो ।

उक्त अफर अन्तर्गत फ्लोरा मोडलको स्कुटरमा सबैभन्दा धेरै ३९ हजार रुपैयाँ छुट दिइएको छ । २ लाख ६९ हजार पर्ने स्कुटरको मूल्य छुटपछि २ लाख ३० हजार पर्छ । यो स्कुटरले सिंगल चार्जमा ८० देखी १०० किलोमिटरसम्म रेन्ज दिने दावी गरिएको छ ।

यसैगरी, ६५ देखी ८० किलोमिटरसम्म रेन्ज दिने भेनिस स्कुटरमा २६ हजार छुट पाइनेछ । पीक पावर २ हजार ५०० वाट भएको यो स्कुटरको मूल्य २ लाख २५ हजार रहेकोमा छुटपछि १ लाख ९९ हजार पर्छ ।

रेन्जर मोडलको इलेक्ट्रिक मोटरसाइकलमा २९ हजार छुट दिइएको कम्पनीले जनाएको छ । ४ लाख ४० हजार रुपैयाँ पर्ने यो मोटरसाइकलको मूल्य छुटपछि ४ लाख २० हजार पर्छ । ४ हजार ८०० वाट पिक पावर भएको यो मोटरसाइकलले सिंगल चार्जमा १५० देखी १८० किलोमिटर रेन्ज दिने कम्पनी दावी छ ।