२०७८ साउन १३ बुधवार,

बहुतले पार्किङबाट निकाल्दा झ्यालमा झुन्डियो कार, भाइरल बन्यो भिडियो

रुसको मस्को शहरमा पोर्से मक्यान एसयूभी विचित्र तरिकाले दुर्घटनाग्रस्त भएको छ । सो एसयूभी घरको झ्यालमा झुन्डिएको अवस्थामा देखिएको छ । रिपोर्टअनुसार रूसी प्रो–हक्की खेलाडी डेनिस काजिनोभले आफ्नी पत्नी र छोरासँगै बहुतले पार्किङ स्ट्यान्डबाट आफ्नो कार निकाल्दै गर्दा उक्त घटना भएको थियो । उनले आफ्नो कार निकाल्ने समयमा चिप्लो सतहको कारण चिप्लिएको र कारको ब्रेक नरोकिएपछि पार्किङ गर्ने ठाउँबाट बाहिर निस्किएको थियो । यो घटनाको भिडियो सामाजिक सञ्जालमा भाइरल हुँदै गइरहेको छ । सो एसयूभीले पार्किङ गर्ने ठाउँको कच्ची पर्खालमा प्वाल पारेको स्पष्ट देख्न सकिन्छ । यद्यपि यस घटनामा कसैलाई पनि चोट लागेको थिएन । वास्तवमा कार रोक्नको लागि एउटा मेटल बिमले मदत गरेको थियो । सो बिम एसयूभीको विन्डस्क्रिनसँग सम्पर्कमा आयो र अगाडिको चक्का झुन्डिएको थियो । दुर्घटनाको समयमा पार्किङ गर्ने ठाउँ वरपर त्रासको वातावरण थियो । हक्की खेलाडी डेनिस काजिनोभले उक्त भवनको पार्किङ गर्ने ठाउँमा एउटा मात्र पक्की पर्खाल रहेको र बाँकी तीनतिर पर्खाल निर्माण गरिएको बताए । हिउँ पनि पार्किङको भुइँमा जमेको थियो । जसको कारण कार रोकिएन र चिप्लिएको थियो । ती खेलाडीले आफूलाई भाग्यमानी ठानेको कुरा पनि बताए किनभने पर्खाल भत्किरहेको बेला कार खसेको थिएन, अन्यथा अप्रिय घटना हुने थियो ।  

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...