भारतमा एकैदिन २०० यूनिट वीवाइडी सील डेलिभरी

भारतमा बीवाईडीले एकैदिन २०० यूनिट सील ग्राहकलाई हस्तान्तरण गरेको छ । ‘मेगा डेलिभरी इभेन्ट’ आयोजना गरी बीवाईडीले देशका विभिन्न शोरुमबाट गाडी हस्तान्तरण गरेको हो । भारतमा लन्च भएको ३ महिना नवित्दै सील १ हजार भन्दा बढी यूनिट बुक भएको थियो ।

यो प्रिमियम इलेक्ट्रिक कार डायनामिक, प्रिमियम र पर्फमेन्स गरी कुल तीनवटा भेरिएन्टमा उपलब्ध छ । जसको सुरुवाती मूल्य ४१ लाख भारुबाट सुरु हुन्छ । नेपाली बजारमा समेत उपलब्ध यो कारको सुरुवाती मूल्य १ करोड ५ लाख तोकिएको छ ।

सिंगल र डुअल मोटर कन्फिगरेसनको साथ उपलब्ध यसको बेस डायनामिक ट्रिममा ६१.४ किलोवाट आवरको ब्याट्री प्याक जडान गरिएको छ । जसको पावर २०१ विएचपी र रेन्ज ५१० किलोमिटर दावी गरिएको छ ।

प्रिमियम भेरियन्टमा दिइएको ८२.५६ किलोवाट आवरको ब्याट्रीलाई एकपटपक फुल चार्ज गर्दा ६५० किलोमिटर रेन्ज पाउन सकिन्छ भने यसमा जडान भएको इलेक्ट्रिक मोटरको आउटपुट ३०८ बिएचपी र टर्क ३६० एनएम छ ।

टप स्पेक प्रिमिमयम ट्रिममा ८२.५६ किलोवाट आवरको ब्याट्री उपलब्ध छ । सिंगल चार्जमा ५८० किलोमिटर रेन्ज दावी गरिएको यो भेरिएन्टमा जडित डुअल इलेक्ट्रिक मोटरको आउटपुट ५२३ बिएचपी र टर्क ६७० एनएम छ ।