१००० भोल्ट आर्किटेक्चर लन्च गर्दै बीवाईडी, ५ मिनेटको चार्जिङमा ३०० किमी रेन्ज

बीवाईडीले आफ्नो महंगो र प्रिमिय ईभीमा अल्ट्रा फास्ट चार्जिङ सुबिधा सहितको नयाँ आर्किटेक्चर लन्च गर्ने भएको छ । कम्पनीले मार्च महिनाभित्रै १००० भोल्ट आर्किटेक्चर लन्च गर्न लागेको हो । सो नयाँ आर्किटेक्चर बीवाईडीको डाइनास्टि सिरिजमा प्रयोग हुने जनाइएको छ ।

कम्पनीले यसै महिना लन्च हुने हान एल र ट्याङ एलमा पहिलोपटक १००० भोल्ट आर्किटेक्चर प्रयोग गर्न लागेको हो । यस नयाँ आर्किटेक्चरले अल्ट्रा फास्ट चार्जर सपोर्ट गर्ने हुँदा ५ मिनेटको चार्जमै ३०० किलोमिटर रेन्ज पाउन सकिने दाबी गरिएको छ ।

हाई–भोल्टेज प्लेटफर्मका कारण ब्याट्रीमा चार्जिङ लोड एकदमै कम हुने हुँदा यसले ब्याट्रीको आयु लम्बाउन मद्धत गर्ने कम्पनी भनाई छ । नयाँ १००० भोल्ट आर्किटेक्चरका लागी बीवाईडीले अहिले चिनमा धमाधम अल्ट्रा फास्ट चार्जर जडान गरिरहेको छ ।

बीवाईडीले यसअघि आफ्नो बिद्युतिय कन्स्ट्रक्सन उपकरणका लागी विश्वको सबैभन्दा छिटो चार्ज हुने ब्याट्री प्रबिधी सार्बजनिक गरेको थियो । १५०० भोल्ट हाई–भोल्टेज प्लेटफर्ममा आधारित उक्त नयाँ प्रबिधीको चार्जिङ पावर ६०० किलोवाटसम्म रहने र ब्याट्रीको आयू ७ हजार साइकलसम्म रहने बताइएको छ ।