एट्टो ३, सिल र डल्फिन लिएर दक्षिण कोरिया प्रवेश गर्दै बीवाईडी

चिनियाँ ईभी निर्माता बीवाईडी पहिलोपटक दक्षिण कोरियाली बजारमा प्रवेश गर्ने भएको छ । जनवरी १६ मा आफ्नो कोरिया प्रवेश घोषणा गर्ने उसको तयारी छ ।

कोरियामा बीवाइडीले १६ वटा शोरुम एकैपटक संचालनमा ल्याउने जनाएको छ । यी शोरुममार्फत आफ्नो सर्बाधिक लोकप्रिय मोडल एट्टो ३, सिल र डल्फिन बिक्री गर्ने उसको तयारी छ । कम्पनीले पहिलो वर्ष १० हजार ईभी बिक्री गर्ने लक्ष्य समेत सार्बजनिक गरेको छ ।

कोरियाली ब्रान्ड हुन्डाई र किया आफै पनि ईभी रेसमा अघि बढेका कारण बीवाईडीको कोरिया यात्रा भने निकै कठिन हुने अनुमान गरिएको छ । त्यसमाथी कोरियामा पछिल्लो समय ईभीमा उपभोक्ताको आकर्षण घट्दो क्रममा देखिन्छ । यस वर्ष कोरियामा ईभीको बिक्री २५ प्रतिशत हाराहारीले घट्ने एक अध्ययनले देखाएको छ ।

सन् २०२३ मा कोरियाको छिमेकी राष्ट्र जापान समेत प्रबेश गरेको बीवाईडीले अहिले त्यहाँ राम्रो बजार पाइरहेको छ । जापजिन ब्रान्डले हालसम्म पनि ईभी उत्पादनमा जोड नदिदा यसको लाभ बीवाईडीलाई जापानमा पुगेको हो । जापानको ईभी बजारमा बीवाईडीले अहिले ३ प्रतिशत हाराहारी बजार हिस्सा पाएको छ ।