बीवाईडीले ल्याउँदै छ अर्को ईभी, देखियो स्पाई सट

चाइनिज ईभी निर्माता कम्पनी बीवाईडीले अर्को अल–इलेक्ट्रिक सेडान बजारमा उपलब्ध गराउने भएको छ । हालै सार्वजनिक भएको स्पाई सटका आधारमा यो अनुमान गरिएको हो । कम्पनीले भने आधिकारिक रुपमा यस वारेमा केही बताएको छैन ।

पहिलो सार्वजनिक भएको बीवाईडी क्विन एल र सिल ०५ सेडानको अल–इलेक्ट्रिक भर्सन भन्दा यो फरक छ । यसमा भएको पहिलेकै स्टाइलको डोर ह्यान्डल र स्माल ह्विलका आधारमा सो मोडल इन्ट्री लेभल कार हुने अनुमान गरिएको छ । यसको राइट विङतिर रहेको चार्जिङ पोर्टका आधारमा पनि यो अनुमान गरिएको हो ।

स्पाई सटका आधारमा सो कार तुलनात्मक रुपमा कम्प्याक्ट देखिएको छ । सो कार सन् २०२५ मा लन्च हुने अनुमान गर्न सकिन्छ ।

बीवाईडी हाल विश्व बजारमै चर्चाको केन्द्रमा रहेको ईभी ब्रान्ड हो । नेपालमा समेत बीवाईडीका कार लोकप्रिय छन् ।

यसका आधारमा भविष्यमा बीवाईडीको अर्को मोडल समेत बजारमा उपलब्ध हुने अनुमान गर्न सकिन्छ ।

हाल नेपाली बजारमा समेत बीवाईडीका एट्टो ३, डल्फिन र सिल लगायतका ईभी उपलब्ध छन् ।