बीवाईडी डल्फिन अव हाइब्रिड पावरट्रेनमा पनि

बीवाईडीले आफ्नो लोकप्रिय ह्याचब्याक ईभी डल्फिनलाई हाइब्रिड पावरट्रेनमा समेत उतार्ने भएको छ । कम्पनीले युरोपेली बजारलाई लक्षित गरी डल्फिन जी डीएम–आई ल्याउने तयारी गरेको हो ।

डल्फिन हाइब्रिडको मूल्य आगामी जुनमा सार्बजनिक गरिने र डेलिभरी यसै वर्षको अन्त्यदेखी सुरु हुने जनाइएको छ । यस नयाँ कारले पेट्रोल र इलेक्ट्रिक गरी १ हजार किलोमिटर संयुक्त रेन्ज प्रदान गर्ने दाबी गरिएको छ ।

कारमा पातलो हेडलाईट, एक्टिभ एयर इन्टेक र अगाडिको बम्परमा दुई वटा एयरफ्लो सहितको एक युनिक डिजाइन ल्यांग्वेज दिइएको छ । यस ह्याचब्याकका अन्य सुविधाहरूमा कालो रिम, आधा लुकेका डोर ह्यान्डल र गाढा डी पिलरहरू समावेश छन् । कारको अगाडि र पछाडि दुबै भागमा पार्किङ सेन्सर तठा सराउन्ड भ्यु क्यामेरा राखिएको छ ।

आकर्षक ओरेन्ज कलरमा उपलब्ध यस कारको लम्बाइ ४,१६० मिमी, चौडाइ १,८२५ मिमी छ । जुन ईभीको युरोपेली संस्करण भन्दा १३० मिमी छोटो र ५५ मिमी चौडा हो । इन्टेरियरमा ब्ल्याक फिनिसिङ दिइएको छ भने ड्यासबोर्डमा फ्लोटिंग टचस्क्रिन पाउन सकिन्छ ।

बीवाईडीले यर कारको पावरट्रेनका बारेमा कुनै जानकारी बाहिर ल्याएको छैन । डल्फिन जी डीएम–आईको बारेमा थप जानकारी जुन २०२६ मा हुने लन्च समारोहमा खुलासा गरिने कम्पनी भनाई छ ।