काठमाडौं–राइनसकोट बुलेट राइड सम्पन्न, ‘दि वल्ड स्कुल मोटरसाइकल’ क्लवका ४० राइडर सहभागी

काठमाडौं–‘दि वल्ड स्कुल मोटरसाकल’ क्लवले काठमाडौंदेखी लमजुङको राइनसकोटसम्म बुलेट राइड सम्पन्न गरेको छ । महाशिवरात्रीको अवसरमा २५ वटा रोयल इनफिल्ड मोटरसाइकलमा सवार ४० जना राइडरले उक्त राइड सम्पन्न गरेका हुन् । राइडका क्रममा उनीहरुले ३८० किलोमिटर यात्रा तय गरेका छन् ।

राइडरहरुले रइनसकोट महादेवको दर्शन गरी लालीगुराँस प्रथामिकता विध्यालयमा रहेका ३५ जना बालबालिकाहरुलाई न्यानो ज्याकेट, स्कुल जुत्ता, टोपी, बर्ष भरी पुग्ने कलम, कापी, ज्यामिती बक्स लगायतका पुस्तकालय सामाग्री हस्तान्तरण गरेका थिए ।

उक्त राइडको नेतृत्व क्याप्टेन अंकुर आर्यले गरेका थिए भने सहयोग वितरण कार्यको व्यवस्थापकिय जिम्मेवारी अमित गुरुङले लिएका थिए । राइडलाई सफल बनाउन बाइकको मर्मत सम्भार र आपतकालीन सहयोगको जिम्मेवारी नुरहुदा आलमले लिएका थिए । उनीहरु तिनैजना ‘दि वल्ड स्कुल मोटरसाइकल’का संचालक समेत हुन् ।

राइडको समापन गर्दै क्याप्टेन अँकुरले यस्ता खालका राइडहरु ‘दि वल्ड स्कुल मोटरसाइकल’ क्लवद्वारा निरन्तर संचालन गर्ने गर्ने र समाजमा आफ्नो तर्फबाट गर्न सकिने सहयोग तथा निभाउनु पर्ने भुमिका/जिम्मेवारी निर्बाह गर्दै जाने प्रतिबद्धता व्यक्त गरे ।

‘दि वल्ड स्कुल मोटरसाइकल’ नेपालमा रोयल इनफिल्ड मोटरसाइकलको सर्भिसिङमा आबद्ध एक उदयीमान कम्पनी हो । एक वर्ष अघिमात्रै संचालनमा आएको यस सर्भिस सेन्टरले गुणस्तरिय सेवा प्रदान गर्नुको साथै हरेक ६ महिनामा बुलेट बाइक राइड गर्ने लक्ष्य लिएको छ ।

राइडको उद्देश्य बुलेट राइड मात्र नभएर राइड गरेको स्थानहरुमा समाजिक कार्य समेत गर्ने तथा त्यहाँको पर्यटन प्रवद्र्धन गर्ने र समाजमा सकारात्मक सन्देश प्रवाह गर्नुसमेत रहेको संचालक अँकुरले बताए ।