स्विस इलन मस्कले ल्याए बबल कार : १९६० तिर चलेको डिजाइन अब आउदै छ इलेक्ट्रिक भर्सनमा

सन् १९६० तिर चलेको बबल कारको उत्पादन फेरि प्रारम्भ भएको छ । यस पटक सो माइक्रोलिनो बबल कार भने इलेक्ट्रिक भर्सनमा आएको छ ।

स्विस इलन मस्क भनिने सो कारलाई स्कुटर टाइकुन विम आउबोटरले रिडिजाइन गरेका हुन् । सो माइक्रोलिनो बबल कारको मूल्य १३ हजार २ सय स्टर्लिङ पाउन्ड राखिएको छ ।

८ फिट लामो र ५ फिट फराकिलो सो कारको लागि पार्किङ स्पेस पनि थोरै भए पुग्छ । फियाट ५०० को उदय भए पश्चात बन्द भएको ओरिजिनल इसेटा बबल कारबाट यसको डिजाइन प्रभावित छ ।

पहिलो ५ सय युनिट माइक्रोलिनो बबल कार यो वर्ष जर्मनी, इटाली र स्विजरल्यान्डमा बिक्री गरिने छ । नेपाली बजारमा भने यो कार आउने सम्भावना नहुन सक्छ ।

सन् १९९७ यता विम आउबोटरले ५ करोड युनिट हलुका माइक्रो स्कुटर बिक्री गरिसकेका छन् ।