नेक्सनलाई उछिन्दै ब्रेजा बन्यो सेगमेन्टमा नम्बर १ कार, पन्चको पनि बम्पर बिक्री

सेप्टेम्बर २०२२ को कम्प्याक्ट एसयूभी सेगमेन्टको बिक्री तथ्याङ्क अनुसार भारतमा मारुती सुजुकी ब्रेजा नम्बर १ कम्प्याक्ट एसयूभी भएको छ । सो एसयूभी अगस्टमा पनि पहिलो नम्बरमा थियो । ब्रेजाले यसपटक पनि लोकप्रिय टाटा नेक्सनलाई उछिनेको छ ।

सेप्टेम्बर २०२२ मा मारुती ब्रेजाका १५ हजार ४४५ युनिट बिक्री भएका थिए । सेप्टेम्बर २०२१ मा यस कारको १ हजार ८७४ युनिट मात्र बिक्री भएको थियो । यो वर्ष ब्रेजाको सेलमा ७२४ प्रतिशतले वृद्धि भएको छ । सेप्टेम्बरमा नेक्सनको १४ हजार ५१८ युनिट बिक्री भएका थिए ।

टाटा पन्च माइक्रो एसयूभीले घरेलु बजारमा १२ हजार २५१ युनिट बिक्री गरी तेस्रो स्थान हासिल गरेको छ । नेक्सन र पन्च दुवैले गत महिना २६ हजार भन्दा बढी युनिट बिक्री गरेका थिए । यो एसयूभी अल्फा प्लेटफर्ममा आधारित छ ।

हुन्डाईको भेन्यु ११ हजार ३३ युनिटका साथ चौथो स्थानमा रह्यो । पछिल्लो वर्षको तुलनामा भेन्युको बिक्री ३९.२ प्रतिशत बढेको छ । हुन्डाई भेन्यु केही महिना अघि बाहिरी र भित्री परिवर्तनका साथ लन्च गरिएको थियो ।

रेनो काइगरले आठौं स्थानमा रह्यो, जबकि टोयोटा अर्बन क्रुजर र होन्डा डब्ल्युआर–भी शीर्ष दसमा परका छन् ।