आयो ३.५ सेकेन्डमा १०० किमी प्रतिघण्टा स्पिड गुड्ने बीएमडब्ल्युको कम्पटिसन लक्जरी कार

लक्जरी कार निर्माता कम्पनी बीएमडब्ल्युले एम४ कम्पटिसन कुपे लन्च गरेको छ । सो लक्जरी कारको लुक निकै आक्रामक देखिन्छ । कम्पनीले यो कार भारतीय बजारमा १ करोड ४३ लाख भारुमा लन्च गरेको हो ।

बीएमडब्ल्युको एम४ कम्पटिसनमा लेजरलाइटको साथ एडजस्टेबल हेडलाइट उपलब्ध छ । कारको छत कार्बन फाइबर रफ्ड प्लास्टिकबाट एरोडायनेमिकल कस्टमाइज फिन, रियर स्पोइलर र दुई जोडी एक्जस्ट टेलपाइपबाट बनेको छ ।

कारको इन्टेरियरमा १२.३ इन्चको स्क्रिन डिजिटल इन्स्ट्रयुमेन्ट क्लस्टर र १०.२५ इन्चको टचस्क्रिन इन्फोटेनमेन्ट सिस्टम छ, जसलाई स्टेयरिङ ह्विलमा रहेको मल्टीफंक्सन बटनहरू, आइ–ड्राइभ कन्ट्रोलरको साथ भ्वाइस कन्ट्रोलबाट नियन्त्रण गर्न सकिन्छ ।

बीएमडब्ल्युले एम४ कम्पटिसन तीन लिटर ट्विन टर्बो स्ट्रेट–६ को साथमा उपलब्ध छ, जसले अधिकतम ५०३ बीएचपीको पावर र ६५० एनएमको टर्क जेनेरेट गर्छ । यसको इन्जिनलाई ८ स्पिड एम स्टेप्ट्रोनिक अटोमेटिक गियरबक्ससँग जोडिएको छ, जसलाई एम एक्सड्राइभ सिस्टम मार्फत चार वटै पाङ्ग्राहरूमा पठाइन्छ । यो कारको सनरुफ निकै राम्रो छ । कार ३.५ सेकेन्डमा ० देखि १०० किमी÷घन्टाको टप स्पिडमा पुग्न सक्छ ।