नेपालकै पहिलो इभेन्ट ‘बाइक्स एन्ड कफी’ सम्पन्न, बाइकरहरुले बाइक हेर्दै खाए कफी

काठमाडौं – नेपालकै पहिलो इभेन्टको रुपमा ‘बाइक्स एन्ड कफी’ सम्पन्न भएको छ । बाइकअहोलिकको आयोजनामा सम्पन्न सो इभेन्ट शनिबार काठमाडौंको नयाँ बजारस्थित एलिक्जिर क्याफेमा सम्पन्न भएको हो ।

बाइक्स एन्ड कफीमा सबै प्रकारका करिव ५ सय बाइक राइडर सहभागी भएको बाइकअहोलिकका को–फाउन्डर अश्विन श्रेष्ठ ‘जायन’ ले बताए । विश्वका विभिन्न देशमा कार्स एन्ड कफी कल्चर भएको र नेपालमा भने बाइक राइडर धेरै भएकाले बाइकरहरुलाई लक्ष्यित गरी यो कार्यक्रम गरिएको उनले बताए ।

प्रत्येक ३ महिनामा यस प्रकारको कार्यक्रम आयोजना गर्ने लक्ष्य रहेको उनको भनाइ छ । विभिन्न समूहमा छरिएर रहेका सबै प्रकारका बाइकरहरु एकै स्थानमा भेला भएर अन्तक्र्रिया गर्न सकिने भएकाले यो कल्चर आगामी दिनमा निकै नै प्रभावकारी हुने उनको अपेक्षा छ ।

प्रत्येक समयमा नयाँ नयाँ स्थानमा यस्तो भेला आयोजना गरिने आयोजकको भनाइ छ । निःशुल्क प्रवेशको व्यवस्था गरिएको इभेन्टमा जुनसुकै क्षमताका बाइक राइडरहरु सहभागी हुन सक्ने छन् ।