कार भन्दा बढी पावरफुल भएको नयाँ स्पोर्टस् बाइक सार्वजनिक

बीएमडब्ल्यु मोटराडले अन्तर्राष्ट्रिय बजारमा नयाँ स्पोर्ट्स टुरर बाइक आर १२५० आरएस लन्च गरेको छ । सो बाइकले कावासाकी निन्जा १००० एसएक्ससँग प्रतिस्पर्धा गर्नेछ ।

बीएमडब्ल्युको सो नयाँ बाइकमा डायनामिक ट्रयाक्सन कन्ट्रोल, एबीएस प्रो र डायनामिक ब्रेक कन्ट्रोल जस्ता फिचर स्ट्यान्डर्डको रुपमा समावेश गरिएको छ । बाइकमा नयाँ एलईडी टर्न इन्डिकेटर, नयाँ आइस ग्रे पेन्ट र अप्सनल स्टाइल ट्रिपल ब्ल्याक देख्न सकिन्छ ।

सो बाइकमा १२५४ सीसीको एयर लिक्विड कुल्ड २ सिलिन्डर बक्सर इन्जिन समावेश गरिएको छ, जसले ७७५० आरपीएममा १३६ एचपी र ६२५० आरपीएममा १४३ एनएमको टर्क जेनेरेट गर्छ । बाइकमा बीएमडब्ल्युको सिफ्टकेम प्रविधिको प्रयोग गरिएको छ ।

बाइकमा ६ स्पिड गियरबक्स जडान गरिएको छ । यसमा भएको साफ्ट ड्राइभको माध्यमबाट पावर पछाडिको टायरमा ट्रान्सफर हुन्छ । साथै बाइकमा रेन, इको र रोड गरी ३ राइडिङ मोड रहेको छ ।

सो बाइकमा एड्जस्टेबल विन्डस्क्रिन, हिल स्टार्ट कन्ट्रोल, एलईडी लाइटिङ, टीएफटी स्क्रिन, १२भी एक्सेसरी सकेट, रोटरी मल्टि कन्ट्रोलर, एड्जस्टेबल ह्यान्ड–ब्रेक र क्लच लिभर तथा स्टेयरिङ स्ट्याबिलाइजर जस्ता फिचर रहेको छ ।