अब भारतमै सवारी साधनको क्र्यास टेस्ट गर्न सकिने, आज शुभारम्भ हुँदै

भारतमा आज देखि आफ्नै नयाँ कार एसेस्मेन्ट प्रोग्राम लागू हुँदैछ । क्र्यास टेस्ट गरी कारको सुरक्षा जाँच गरिने सो प्रोग्राम लागू भए पश्चात आफ्नै क्र्यास टेस्ट प्रोग्राम गर्ने भारत विश्वको पाँचौं देश बन्नेछ।

एक कार्यक्रमका बीच केन्द्रीय परिवहन मन्त्री नितिन गडकरीले यसको उद्घाटन गर्ने कार्यक्रम छ ।

भारत एनसीएपी अर्थात न्यु कार एसेस्मेन्ट प्रोग्राम मार्फत देशका कारको सुरक्षा मापदण्ड स्थापना गरी निर्यातमा समेत सहयोग पुग्नेछ । यससँगै परीक्षण एजेन्सीले शोरुमबाट सवारीसाधन लिएर परीक्षण गर्ने सुविधा पनि उपलब्ध गराउने छ ।

सरकारले भारत एनसीएपीलाई विश्वव्यापी मापदण्डको बराबरीमा राखेको छ, जसको मतलब परीक्षण गरिएका कारहरूलाई १–५ बीचको रेटिङ दिइनेछ, जसमा १ सबैभन्दा कम छ। परीक्षणमा सवारी साधनको प्रदर्शनका आधारमा वयस्क र बाल यात्रुका लागि छुट्टाछुट्टै रेटिङ दिइनेछ ।

परीक्षणको क्रममा, सवारी साधनलाई पैदल यात्री अनुकूल डिजाइन, कारको संरचनात्मक सुरक्षा, सक्रिय र निष्क्रिय सुरक्षा सहायता प्रविधि र बालबालिका र वयस्क यात्रुको सुरक्षालगायत धेरै मापदण्डहरूमा मापन गरिनेछ। यी सबैलाई छुट्टाछुट्टै नम्बर पनि दिइनेछ। भारत एनसीएपी अन्तर्गत, आईसीई सवारी मात्र होइन, सीएनजी र विद्युतीय सवारीसाधनको पनि परीक्षण गरिनेछ। चालक सहित आठ जना यात्रु बोक्न अनुमोदित सवारी साधनहरू मात्रै यस परीक्षणका लागि योग्य हुन्छन्।

यसका साथै गाडी भारतमा बनेको होस् वा आयात गरिएको होस्, त्यसपछि मात्रै उक्त गाडीको भारत एनसीएपी अन्तर्गत परीक्षण गर्न सकिने छ । स्थानीय अटोमेकरहरूका लागि यो ठूलो खबर हो किनभने उनीहरूले अब आफ्ना सवारी साधनहरू दुर्घटना परीक्षणका लागि बाहिर पठाउनु पर्दैन।

भारत एनसीएपी अक्टोबर १ गतेदेखि लागू हुनेछ, यसले भविष्यमा देशका गाडीहरूलाई सुरक्षित बनाउन काम गर्नेछ। अधिकांश ठूला कार निर्माता कम्पनी मारुती सुजुकी, टाटा मोटर्स, टोयोटा, स्कोडा, किया र महिन्द्राले सरकारको यो कदमको स्वागत गरेका छन् ।

क्र्यास सेफ्टी सेफ्टी रेटिङ विश्वका धेरैजसो ठाउँहरूमा लागू हुन्छ तर अहिलेसम्म भारतमा त्यस्तो कुनै परीक्षण वा सुरक्षा रेटिङ आएको छैन। तर त्यो चाँडै परिवर्तन हुन लागेको छ। भारतले अक्टोबर १ बाट आफ्नो कार दुर्घटना सुरक्षा स्टार रेटिङ प्राप्त गर्न लागेको छ।