केटिएमको जस्तै देखियो वेनेलीले दर्ता गराएको नयाँ इन्जिनको प्याटेन्ट

वेनेली वाइकको चीनीयाँ उत्पादक क्यूजे मोटरले नयाँ इन्जिनको डिजाइनका लागि प्याटेन्ट दर्ता गरेको छ । हालसालै वाहिरिएको उक्त इन्जिनको विवरणलाई आधार मान्दा सो इन्जिन धेरै हदसम्म केटिएमको १३०१ सिसी भी ट्विन इन्जिनसंग मिल्दोजुल्दो रहेको जनाइएको छ । सोही इन्जिनलाई केटिएमले १२९० सुपर एड्भेन्चर र १२९० सुपर ड्युक आर वाइकमा प्रयोग गरेको थियो ।

केटिएमको इन्जिनसंग मिल्दोजुल्दो डिजाइन देखिएका कारण आगामी दिनमा बेनेलीलले आफ्नो सुपर बाइकमा सोही इन्जिनलाई प्रयोग गर्न लागिरहेको आँकलन गर्न थालिएको छ । वेनेलीले यसअघि पनि केटिएमको ७९९ सिसी इन्जिनसंग मिल्दोजुल्दो इन्जिनको प्याटेन्ट लिएको थियो ।

क्युजे मोटरले आफ्नो मोटो ३ क्याम्पियन अन्तर्गत नयाँ डिजाइनको इन्जिन बिकास गर्न यसअघि नै केटिएमसंग सहकार्य गर्ने बताएको थियो । सोही आधारमा पनि उसले आफ्नो नयाँ उच्च सिसीको बाइकमा केटिएमको इन्जिन प्रयोग गर्नसक्ने संभावना देखिएको छ ।

क्यूजे मोटर्सले सिएफ मोटोलाई आफू मातहत लिइसकेको छ भने हार्ले डेभिड्सन र हक्कभर्नासंग सहकार्य अघि बढाइसकेको छ ।