बेनेली मोटरसाइकल बिक्रेता टिममा अब पञ्चकन्या, फिसटेल, गोल्छा र सारडा ग्रुप

काठमाडौं – नेपाली बजारमा बेनेली मोटरसाइकल बिक्री–वितरण गर्दै आएको केटीएम इन्टरनेसनल ट्रेडिङ अन्तर्गत अब नयाँ ग्रुप समेत सामेल हुने भएका छन् । आज बेनेलीको नयाँ स्कुटर प्यानेरिया १२५ सार्वजनिक कार्यक्रममा यसको समेत घोषणा गरिएको छ ।

अब सो टिममा पञ्चकन्या ग्रुप, फिसटेल ग्रुप, गोल्छा ग्रुप र सारडा ग्रुप सामेल भएका छन् । यी ग्रुपको तर्फबाट क्रमशः उदीप श्रेष्ठ, विकास राणा, आकाश गोल्छा र सन्दीप सारडाले आज सो स्कुटर सार्वजनिक गरे ।

सन् २०१६ मा पहिलो पटक उदीप श्रेष्ठ र अभिनव शमशेर जवराको पहलमा केटीएम इन्टरनेसनलमार्फत नेपालमा पहिलो पटक बेनेली मोटरसाइकल भित्रिएको थियो । यो भन्दा पहिले नै उनीहरुले डुकाटी ब्रान्डका मोटरसाइकल बिक्री गर्थे । डुकाटी अलि महंगो ब्रान्ड हो । त्यसैले सबैले चढ्न सक्ने गरी प्रिमियम मोटरसाइकल उपलब्ध गराउने उद्देश्यले त्यो समयमा बेनेली ब्रान्ड भित्र्याएको श्रेष्ठले बताए ।

५ वर्षको अवधिमा बेनेली ब्रान्डलाई धेरैले चिनेका छन् । यो निरन्तर रुपमा विकसित हुँदै गएको ब्रान्ड बनेको छ । हाल बेनेलीका टीएनटी ३०० सबैभन्दा धेरै रुचाइएको ब्रान्ड हो । यसमा भएको प्यारालल ट्विन इन्जिन विशेष महत्वपूर्ण छ । नेपाली बजारमा १५० देखि ७१० सीसी सम्मका मोटरसाइकल पहिले देखि नै बिक्री्का लागि उपलब्ध छन् । नेपाली बजारमा टुरिङ, स्क्र्याम्बलर र अन्य सबै सेगमेन्टका मोटरसाइकल उपलब्ध भएकोमा अब स्कुटर सेगमेन्ट समेत भित्र्याएको बताएको छ ।

हाल केटीएम इन्टरनेसनलका देशभर २५ डिलर रहेकोमा यो वर्ष यसलाई बढाएर ५० पु¥याउने योजना रहेको श्रेष्ठले बताए ।