बजाज चेतकको नयाँ भेरिएन्ट आउँदै, मूल्य सस्तो हुने

बजाज अटोले चेतकको सस्तो भेरिएन्ट लन्च गर्ने योजना बनाएको छ । बाजजले हाल उपलब्ध २९०३ मोडललाई अपग्रेड गरेर नयाँ र सस्तो इन्ट्रि लेभल भेरिएन्ट ल्याउन लागेको हो ।

मे २०२५ को अन्त्यमा ३५ सिरिजको तेस्रो भेरिएन्ट र जुनमा अपग्रेड गरिएको ईन्ट्रि लेभल २९०३ लाई लन्च गरेर चेतकको पोर्टफोलियोलाई थप बलियो बनाउन लागिएको बजाज अटोका कार्यकारी निर्देशक राकेश शर्माले बताए । सार्थै, कम्पनीले आर्थिक वर्ष २०२६ मा थप नयाँ मोडल समेत लन्च गर्ने घोषणा गरेको छ ।

सस्तो भेरिएन्टको बारेमा कम्पनीले विस्तृत विवरण सार्बजनिक नगरेपनि यो चेतक ३५ जस्तै नयाँ चेसिसमा आधारित हुन सक्ने जनाइएको छ । पुनः डिजाइन गरिएको फ्रेमका कारण यस स्कुटरको अन्डर स्टोरेज क्षमता थप फराकिलो हुने अनुमान गरिएको छ ।

चेतक २९०३ मोडलमो बजाजले २.९ किलोवाट आवर क्षमताको ब्याट्री प्याक जडान गरेको छ । जसले एक पटकको सिंगल चार्जमा १२३ किलोमिटर रेन्ज दिने दाबी गरिएको छ ।

चेतक नेपाली बाजरमा समेत बिक्री हुन लागेको इलेक्ट्रिक स्कुटर हो । यस स्कुटरको हाल रोड टेष्ट चलिरहेको र छिट्टै औपचारिक लन्च हुने आधिकारिक वितरक हंसराज हुलासचन्द एण्ड कम्पनीले जनाएको छ ।