२ करोड बजाज पल्सर बिक्रीको ऐतिहासिक सफलता, विशेष छुटको घोषणा

बजाज पल्सरले २ करोड युनिट बिक्री गर्ने ऐतिहासिक उपलब्धि हासिल गरेको छ । स्पोर्टी डिजाइन, शक्तिशाली इन्जिन र उन्नत प्रविधिले सुसज्जित १२५ सीसीदेखि ४०० सीसीसम्मका पल्सर मोटरसाइकल युवाहरूबिच अत्यधिक लोकप्रिय छन् । यस ऐतिहासिक उपलब्धिको अवसरमा बजाज अटोले पल्सर सिरिजका बाइकमा विशेष छुटको घोषणा गरेको छ ।

सन् २००१ मा लन्च भएको पल्सर बाइक हाल ५० भन्दा बढी देशमा बिक्री भइरहेको छ । यसको सफलताको कारण यसको स्पोर्टी लुक, शक्तिशाली इन्जिन र नयाँ प्रविधि हो । पहिलो १ करोड युनिट बिक्री हुन १७ वर्ष लागेको थियो, तर त्यसपछि केवल ६ वर्षमै अर्को १ करोड युनिट बिक्री भइसकेको छ।

पल्सर सिरिजका बाइकको २ करोड युनिट बिक्री भएको अवसरमा बजाज अटोले भारतमा ग्राहकहरूका लागि विशेष अफर घोषणा गरेको छ । नेपालमा पनि केही हुने अपेक्षा गर्न सकिन्छ ।

बजाज अटोले भविष्यमा पनि पल्सरलाई अझ परिस्कृत बनाउने प्रयास गर्ने बताएको छ। कम्पनीको लक्ष्य पल्सरलाई विश्वकै सबैभन्दा लोकप्रिय स्पोर्ट्स बाइकको रूपमा स्थापित गरिरहनु हो।