बजाज प्रिमियर लिग(बीपीएल) : मोटरसाइकल खरिदसँगै जित र उपहारको उत्सव

काठमाडौं– बजाज मोटरसाइकलको नेपालका लागि आधिकारिक वितरक हंसराज हुलासचन्द एण्ड कम्पनी प्रालिले दसैँ र तिहार लक्षित नयाँ र रोचक क्याम्पेन ‘बजाज प्रिमियर लिग (बीपीएल)’ सार्वजनिक गरेको छ ।

सबै नेपालीका लागि मोटरसाइकल जीवनशैली र पहिचानको प्रतीक बनिसकेकाले नेपाली उपभोक्तालाई अझ नजिक ल्याउने प्रयास स्वरूप कम्पनीले यो रोमाञ्चक क्याम्पेन सुरु गरेको हो ।

क्पाम्पेन अन्तर्गत, हरेक नयाँ बजाज मोटरसाइकल खरिदकर्ताले क्रिकेटको स्कोरिङ शैलीमै जति धेरै रन, त्यति धेरै नगद पुरस्कार पाउनेछन् । साथै नागरिकताको भरमा सहज फाइनान्स सुबिधा समेत सामेल गरिएको कम्पनीको भनाई छ ।

यस क्पाम्पेनका प्रमुख विशेषताका रुपमा, जति धेरै रन, त्यति धेरै पुरस्कार, सातै प्रदेशबाट हरेक हप्ता ५० हजार नगद उपहार, ‘प्लेयर अफ दि विक’ बन्ने ग्राहकलाई १ लाख नगद र चर्चित क्रिकेटरहरूसँग भेट्ने विशेष अवसर प्राप्त हुनेछ ।

क्याम्पनेका बारेमा बोल्दै गोल्छा ग्रुपका निर्देशक अभिमन्यु गोल्छाले भने, ‘नेपालमा बजाज मोटरसाइकललाई भरपर्दो र लोकप्रिय ब्रान्डको रूपमा स्थापित गर्दै आएको हंसराज हुलासचन्द एण्ड कम्पनी प्रालिले यस क्याम्पेनमार्फत ग्राहकसँगको भावनात्मक सम्बन्ध अझ गहिरो बनाउन खोजेको छ । कम्पनीको विश्वास छ कि बीपीएलले बजाज मोटरसाइकल खरिदकर्तालाई र अरु सर्वसाधारणलाई समेत चाडपर्वको रमाइलो उत्सव र जितको नयाँ अनुभव दिलाउने छ ।’

त्यसैगरी, यस क्याम्पेनले मोवाइल गेम प्रेमीहरुलाई लक्षित गरेर मोवाइलमा क्रिकेट खेलेर पनि विभिन्न उपहारहरु जित्ने अवशर प्रदान गरेको छ । यस गेममा जति धेरै रन लिन सक्यो त्यतिनै धेरै उपहारहरु प्राप्त गर्न सकिने र जो सुकैले सजिलै खेल्न सक्ने कम्पनीले जनाएको छ ।