डोमिनार २५० को मूल्य एक बर्षमै २९ हजार रुपैयाँले बृद्धि, यस्तो छ यो बाइक

बजाज मोटरसाइकलको आधिकारिक बितरक हंसराज हुलासचन्द एन्ड कम्पनीले २०२१ को जनवरी महिनामा लन्च गरेको बजाज डोमिनार २५० ले नेपालमा एक बर्ष पुरा गरेको छ । सुरुवाती मूल्य ४ लाख ८९ हजार ९ सय रुपैयाँ निर्धारण गरेर बिक्री शुरु भएको यो मोटरसाइकलको मूल्य हाल ५ लाख १८ हजार ९ सय रुपैयाँ पुगेको छ । यससंगै एकबर्षको यो अबधीमा यो मोटरसाइकलको मूल्य २९ हजार रुपैयाँले बृद्धि भएको छ । कम्पनीले यो मोटरसाइकलको मूल्य पटक पटक बृद्धि गरेको थियो ।

नेपालमै एसेम्बल गरी बिक्री बितरण भैरहेको यो मोटरसाइकलमा २४८.८ सीसी क्षमताको सिंगल सिलिण्डर, लिक्वीड कुल्ड, डिओएचसी एफआई इन्जिन दिइएको छ । उक्त इन्जिनले अधिकतम २७ पीएस पावर र २३.५ एनएम टर्क प्रदान गर्ने बताइएको छ । यसमा ६ स्पीड म्यानुयल गियरबक्स रहेको छ ।

यसमा सबै लाइट एलइडी प्रयोग गरिएको छ । सानो विन्ड स्क्रिन, मस्कुलर फ्युल ट्याङ्क, फुल डिजिटल इन्स्ट्रुमेन्ट क्लस्टरको साथै फ्युल ट्याङ्कमा अर्को सानो डिस्प्ले, इन्जिन कौल, सिग्नेचर एलइडी हेडल्याम्प दिइएको छ । यसको साथै स्लिपर क्लच, डबल च्यानल एबीएस जस्ता फिचर समेत उपलब्ध रहेको छ ।

१३२ किमि प्रतिघन्टासम्मको उच्चतम गतिमा हाँक्न सकिने यो मोटरसाकल १०.५ सेकेन्डमा ०–१०० किमि प्रतिघन्टाको स्पिडसम्म कुद्न सक्ने बताइएको छ ।

चालकको आरामका लागि यो बिम–टाइप पेरिमिटर फ्रेममा बनाइएको छ । लामो दूरीको यात्रामा गियरलाई सुरक्षित राख्ने काम सिटमुनि बन्जी स्ट्राप्सले गर्छ भने सस्पेन्सन ड्युटीका लागि टेलिस्कोपिक ३७ एमएम यूएसडी फ्रन्ट फोर्कको साथ १३५ एमएम ट्राभल र पछाडिको ११० एमएम ह्विल स्ट्रोकमा रहेको मल्टी–स्टेप एड्जस्टेबल मोनोसक दिइएको छ । यो बाइकको अगाडि चक्कामा ३०० एमएम डिस्क र पछाडि २३० एमएमको डिस्क ब्रेक जडान गरिएको छ ।