उर्लावारीकी तुलसाले जितीन बजाज पाँचको पन्च अफर अन्तर्गत १० लाख नगद पुरस्कार

बजाज पाँचको पन्च अफर अन्तर्गत वम्परमा उर्लावारीकी तुलसादेवी अधिकारीले नगद १० लाख रुपैयाँ जितेकी छिन् । नयाँ वर्ष २०७९ लाई लक्षित गर्दै आधिकारिक वितरक हंसाराज हुलासचन्द एण्ड कम्पनी प्रालिले यो अफर ल्याएको थियो । उनले उर्लावारीस्थित डिलर गणेश ट्रेडलिंकबाट मोटरसाईकल खरिद गरेकी थिइन् ।

बजाजले ल्याएको यो अफर अन्तर्गत एकैजना ग्राहकले पाँच पटकसम्म पुरस्कार जित्न सकिने व्यवस्था मिलाइएको थियो । पहिलो चरणमा यो अफरको विज्ञापन आफ्नो फेसवुक पेजमा सेयर गरी १ हजार, दोस्रो चरणमा शोरुममा बाइक हेरेर एसएमएस मार्फत ५० हजार सम्म, तेस्रो चरणमा मोटरसाइकल खरिद गर्दा प्राप्त हुने युनिक कोड मार्फत १ लाख रुपैयाँसम्म र चौथो चरणमा आफ्नो नजिकको साथीभाइलाई बजाज वाइक खरिद गर्न रेफर गरेवापत ३ वटा निशुल्क सर्भिसिङ दिने व्यवस्था मिलाइएको थियो ।

अन्तिम अर्थात पाँचौ चरणमा एकजना भाग्यसाली विजेतालाई लक्कि ड्रमार्फत १० लाख रुपैयाँ नगद उपहार दिने व्यवस्था कम्पनीले मिलाएको थियो ।