एथरको शोरुम अब बिर्तामोडमा पनि

काठमाडौं–एथर नेपालले झापाको बिर्तामोडमा नयाँ शोरुम सञ्चालनमा ल्याएको छ । भुर्तेल इनर्जीले व्यवस्थापन गर्ने सो नयाँ शोरुमको उद्धघाटन आइतबार सम्पन्न भएको हो ।

बिर्तामोडमा नयाँ शोरुम सञ्चालनमा आएसँगै एथर नेपालका देशभर ११ वटा एक्सपेरियन्स सेन्टर पुगेका छन् । नयाँ शोरुममा एथरको ४५० सिरिज र रिज्टासहित सम्पूर्ण उत्पादन लाइनअप उपलब्ध हुने जनाइएको छ ।

उद्घाटनको अवसरमा ग्राहकले एक्सटेन्डेड ब्याट्री वारेन्टि, शून्य प्रतिशत ब्याजरमा फाइनान्स सुबिधा र अतिरिक्त एक्सचेन्ज भ्यालुएसन लगायत सुबिधा पाउनेछन् । एथरले दुईपांग्रे ईभी सेग्मेन्टमा सबैभन्दा लामो ८ वर्षसम्मको वारेन्टीसमेत प्रदान गर्दै आएको छ ।

हाल काठमाडौं उपत्यकाभित्र ५ वटा केन्द्रसहित पोखरा, चितवन, इटहरी, बुटवल, जनकपुर र अब बिर्तामोडमा समेत एथरको उपस्थिति विस्तार भएको हो । साथै देशभर १० वटा आधिकारिक सर्भिस सेन्टर पनि सञ्चालनमा रहेका छन् ।

ग्राहकहरूले देशभर विस्तार भइरहेको ४० भन्दा बढी एथर चार्जिङ स्टेशनमार्फत प्रमुख सहर तथा राजमार्गहरूमा सहज चार्जिङ सुविधा पाउनेछन् । भविष्यमा थप खोल्ने कम्पनीले जनाएको छ ।

प्रदेश १ मा बढ्दो एथर ग्राहकलाई सहज यात्रा अनुभव प्रदान गर्न कम्पनीले आफ्नो फास्ट चार्जिङ नेटवर्कलाई विस्तार गर्दै लगेको छ । हाल एथर राइडरले बिर्तामोड, धरान तथा इटहरीमा फास्ट चार्जिङ सेवा उपयोग गर्न सक्नेछन् भने कम्पनीले निकट भविष्यमा थप चार्जिङ स्थानहरू विस्तार गर्ने योजना बनाएको छ ।