एथरको फेमिली स्कुटर ‘रिज्टा’, मूल्य कति ?

काठमाडौं–एथरको वहुप्रतिक्षित विद्युतीय स्कुटर रिज्टा नेपाली बजारमा सार्बजनिक भएको छ । एथरको नेपालका लागि आधिकारिक वितरक वैद्य इनर्जीले नाइमा मोबिलिटी एक्स्पोमा सो नयाँ स्कुटर सार्वजनिक गरेको हो ।

कम्पनीले नेपाल ल्याएको नयाँ एथर रिज्टा फेमिली स्कुटर हो । हाल यसको टप भेरिएन्टमात्रै उपलब्ध रहेको र मूल्य ३ लाख ८३ हजार ५०० रुपैयाँ निर्धारण गरिएको कम्पनीले जनाएको छ ।

भारतमा एथर रिज्टा तीन भेरियन्टमा उपलब्ध छ । जसमा रिज्टा एस, रिज्टा जेड २.९ किलोवाट, रिज्टा जेड ३.७ किलोवाट रहेको छ । रिज्टा जेड ३.७ किलोवाट यसको टप भेरियन्ट हो । कम्पनीले अहिले टप भेरिएन्टमा बिक्री सुरु गर्ने जनाएको छ।

नेपालमा बिक्री सुरु भएको रिज्टा जेड मा ३.७ किलोवाट आवरको ब्याट्री प्याक जडान गरिएको छ । एक पटकको फुल चार्जमा १२५ किलोमिटरको रेन्ज दिने दाबी गरिएको यस स्कुटरको टप स्पिड भने प्रतिघण्टा ८० किलोमिटर रहेको छ ।

स्कुटरमा स्मार्ट नेभिगेसन, पार्क असिस्ट, इमरजेन्सी स्टप सिग्नल र फल सेफजस्ता सेफ्टी फिचर दिइएको छ । प्रमुख फिचरका रुपमा यसमा ट्रयाक्सन कन्ट्रोल समेत पाउन सकिन्छ ।

कम्पनीले यसको ब्याट्रीमा ५ वर्ष वा ६० हजार किलोमिटरको वारेन्टी तथा मोटर र अन्य मेकानिकल पार्ट्समा ३ वर्ष वा ३० हजार किलोमिटरको वारेन्टी उपलब्ध गराएको छ ।