ठूलो फ्लोरबोर्ड, ठूलो सिट र शक्तिशाली रेन्ज भएको नयाँ इलेक्ट्रिक स्कुटर रिज्टा लन्च गर्दै एथर इनर्जी

एथर इनर्जीले आफ्नो नयाँ इलेक्ट्रिक स्कुटर रिज्टा अप्रिल ६ मा लन्च गर्ने भएको छ । कम्पनीले विगत केही दिनदेखि यसको परीक्षण गरिरहेको छ । सो स्कुटरमा सबैभन्दा ठूलो बुट स्पेस र सेगमेन्टमा सबैभन्दा ठूलो सिट हुनेछ । यसको मूल्य १ लाख २५ हजार देखि १ लाख ३५ हजार भारु हुनेछ ।

नयाँ इलेक्ट्रिक रिज्टाको फिचर पनि सार्वजनिक भइसकेको छ । यसको आकार एथर ४५०एक्स लाइनअपको तुलनामा ठुलो हुनेछ । सो स्कुटरमा ठूलो फ्लोरबोर्ड एरिया देखिएको छ । यसमा लामो सिट दिइएको छ । साथै सामान स्टोरका लागि स्पेस पनि समावेश गरिएको छ ।

एथर रिज्टामा होरिजोन्टल बार–टाइप हेडलाइट, टेलल्याम्प, फुल एलईडी लाइटिङ, फुल डिजिटल स्क्रिन, राइड मोड, स्मार्टफोन कनेक्टिभिटी, फास्ट चार्जिङ जस्ता फिचर हुनेछ । साथै रियर ग्रेब रेलसहित १२ इन्चको अगाडि र पछाडिका पाङ्ग्रा हुनेछ । सो इलेक्ट्रिक स्कुटर निकै पावरफुल हुनेछ । यद्यपि सो स्कुटरको फिचर पारिवारिका सुविधालाई ध्यानमा राखेर दिइएको छ ।

सो स्कुटरको रेन्जको बारेमा कुनै खुलासा गरिएको छैन । यद्यपि यसको रेन्ज १५० किलोमिटर भन्दा बढी हुने अनुमान गरिएको छ । ब्रेकिङका लागि सो स्कुटरमा डिस्क ब्रेकको साथै अगाडिको भागमा टेलिस्कोपिक फोर्क र पछाडि मोनो–शक युनिट हुनेछ ।

स्कुटरमा नयाँ मोटर सेटअप र ब्याट्री प्याक प्रयोग गर्न सकिनेछ । यो ४५०एक्स को तुलनामा हाई रेन्ज र टप स्पिडको हुनेछ ।