बैद्य इनर्जीले पोखरामा खोल्यो एथर इलेक्ट्रिकको शोरुम, अटो वेज बन्यो डिलर

पोखरा – नेपालका लागि एथर इलेक्ट्रिकको आधिकारिक वितरक वैद्य इनर्जीले अटोवेज प्रालिलाई पोखराको डिलरको रूपमा भित्र्याएको छ । पोखराको नयाँबजारस्थित अटोवेज विल्डिङमा शोरुम स्थापना गरिएको हो ।

बैद्य् अर्गनाइजेसनको सहायक कम्पनी ‘बैद्य इनर्जी’ले भारतीय इलेक्ट्रिक स्कुटर कम्पनी एथर इनर्जीका उत्पादन नेपालमा बिक्री सुरु गरेसँगै काठमाडौँ र ललितपुर पछि पोखरामा बिक्री वितरण येही फागुन १२ बाट सुरु गरेको हो । भारतकै सर्वाधिक सफल र चर्चित इलेक्ट्रिक स्कुटरको पछिल्लो समय नेपाली बजारमा माग बढिरहेको छ ।

विशेष गरी, अटोवेज प्रालिले टोयोटाको डिलरको रूपमा पनि बिगत २९ वर्ष भन्दा अगाडि देखि पोखरामा सेवा दिइरहेको छ , जसले मुख्य कम्पनीसँग दीर्घकालीन सम्बन्ध देखाउँछ।

पोखरामा पहिलो डिलरसँगै सर्भिस स्टेशन पाउनुको साथै दुई चार्जिङ स्टेशन पहिले नै स्थापित भएका छन्, जुन अटोवेज भवन केन्द्रमा र लेकसाइड केन्द्रमा रहेका छन्। थप दुई चार्जरहरू शीघ्र लगाइने छन्, जुन पोखरा भर्सनमा आवश्यकता र सुगमताको लागि गरिनेछ ।

‘हामी आटोवेजसँग सहकार्य गरी एथर इनर्जीलाई पोखरामा ल्याउन उत्साहित छौं’, वैद्य इनर्जीका सीईओ सुर्यांश वैद्य भन्छन् ।

एथरको सफल मोडल ‘४५० एक्स’ दुई फरक ब्याट्री अप्सनमा नेपालमा उपलब्ध हुनेछ । जसमा २.९ किलोवाट आवर र ३.७ किलोवाट आवरको दुई ब्याट्री रहने छन् । ग्राहकले आफ्नो आवश्यकता अनुसारको भर्सन छनोट गर्न सक्नेछन् ।

एथर ‘४५० एक्स’ अविश्वसनिय फिचरको कारण चर्चामा रहेको इलेक्ट्रिक स्कुटर हो । यसमा पार्किङ एसिस्ट, अटो होल्ड, फलसेफ, गुगल म्याप जोडिएको ७ इन्चको टीएफटी डिस्प्ले जस्ता फिचर उपलब्ध छन् । यसको टप स्पिड ९० किलोमिटर प्रतिघन्टा रहेको छ ।