यस्ताे छ एथर इनर्जीको नयाँ ईएल प्लेटफर्म र एथरस्टेक ७.० सफ्टवेयर

एथर इनर्जीले नयाँ ईएल प्लेटफर्म, एथरस्टेक ७.० सफ्टवेयर, नेक्स्ट जेन फास्ट चार्जर र इनफिनाइट क्रुज कन्ट्रोल सिस्टम लन्च गरेको छ। साथै कम्पनीको लोकप्रिय स्कुटर रिज्टा जेड पनि अपडेट गरिएको छ।

नयाँ ईएल प्लेटफर्म भर्सेटिलिटी, स्केलेबिलिटी र कास्ट आप्टिमाइजेसनको लागि डिजाइन गरिएको हो । सो प्लेटफर्मले एउटै बेसमा फरक फरक सेगमेन्टको स्कुटर बनाउने सुविधा प्रदान गर्छ । सो प्लेटफर्म २६ लाख किलोमिटरको फिल्ड डाटाको आधारमा तयार गरिएको हो । यसमा नयाँ च्यासिस, पावरट्रेन र इलेक्ट्रोनिक्स स्ट्याक प्रयोग गरिएको छ। साथै, १५ प्रतिशत छिटो एसेम्बली, दुई गुणा छिटो सर्भिसिङ र १० हजार  किलोमिटरको सर्भिस इन्टरभल सुविधासमेत दिइएको छ।

कम्पनीले यसपटक कन्सेप्ट एथर रेडक्स पनि प्रस्तुत गरेको छ, जसमा स्कुटर र मोटरसाइकलको गतिशीलताबीचको नयाँ संयोजन देखाइएको छ। यसमा अल्ट्रा–लाइट आल्मुनियम फ्रेम, थ्रीडी प्रिन्टेड सिट, एम्प्लिटेक्स बडी प्यानल, पोसर–आधारित मोड चेन्ज, मोर्फ–यूआई, अल्ट्रा–फास्ट एक्सेलेरेसन र भ्वाइस असिस्टेन्टजस्ता सुविधा थपिएको छ ।

एथरस्टेक ७.० सफ्टवेयरमा भ्वाइस इन्टरएक्सनलाई सपोर्ट गर्छ। यसमार्फत नेचुरल ल्याङ्ग्वेज प्रोसेसिङको सहायताले सहज कुराकानी गर्न सकिन्छ। साथै, यसमा रियल टाइम अलर्ट, लोकेशन सेयरिङ, टायर प्रेसर अपडेट, दुर्घटना अलर्ट, पार्क सेफ र लस्ट मोडजस्ता सुविधा उपलब्ध छ। सो सफ्टवेयरमार्फत ओटीए अपडेट पनि गर्न सकिन्छ। यसमा एड्भान्स्ड क्रुज कन्ट्रोल, सिटीक्रुज सुविधा जसले ९० किलोमिटर प्रतिघण्टासम्म बिना ब्रेक डिसएन्गेज गर्न सक्छ, साथै हिल कन्ट्रोल र क्रावल कन्ट्रोलजस्ता विशेषता पनि थपिएको छ ।

अपडेटेड रिज्टा जे८ स्कुटरमा टचस्क्रिन ड्यासबोर्ड, नयाँ टेराकोटा रेड ड्युअल टोन कलर र नयाँ इको मोड समावेश गरिएको छ। साथै कम्पनीले यसमा नयाँ ६ किलोवाट क्षमताको फास्ट चार्जर प्रस्तुत गरेको छ, जसले १० मिनेटमै ३० किलोमिटर दूरी तय गर्न सकिने बताइएको छ।