एथर ४५० एपेक्समा अव क्रुज कन्ट्रोल फिचर पनि, मूल्य कति ?

एथर इनर्जीले ४५० एपेक्सलाई क्रुज कन्ट्रोल फिचरसहित अपडेट गरेको छ । ४५० एपेक्सका प्रयोगकर्ताले ओभर–द–एयर (ओटिए अपडेट मार्फत ‘इन्फिनाइट क्रुज’ फिचर प्राप्त गर्न सक्ने जनाइएको छ । स्कुटरको मूल्य १ लाख ९० हजार भारु तोकिएको छ ।

इन्फिनाइट क्रुजलाई रिभर्स बटन प्रयोग गरेर सक्रिय गर्न सकिने कम्पनीको भनाइ छ । स्कुटरमा विशिष्ट राइडिङका लागि तीन फरक फङक्सन दिइएको छ । जसअनुसार, सिटी क्रुज समतल सडकहरूमा स्थिर गति कायम राख्न डिजाइन गरिएको हो ।

हिल क्रुजले निरन्तर थ्रोटल इनपुटको आवश्यकता बिना ग्रेडियन्टमा स्थिर गति कायम राख्छ । तेस्रो फङक्सनलाई क्रल कन्ट्रोल भनिन्छ, जुन एपेक्सको लागि मात्र हो । यसले राइडरलाई १० किलोमिटर प्रतिघण्टा भन्दा कम गतिमा स्थिर अनुमति दिन्छ ।

अपडेट गरिएको ४५० एपेक्समा पनि उही ३.७ किलोवाट आवरको ब्याट्री प्याक जडान गरिएको छ, जसले ७ किलोवाट क्षमताको विद्युतीय मोटरलाई शक्ति दिन्छ । ई–स्कुटरको उच्चतम गति १०० किलोमिटर प्रतिघण्टा छ र सिंगल चार्जमा १५७ किलोमिटर रेन्ज दिने दाबी गरिएको छ ।