हुन्डाईले घोषणा ग-यो ‘यसपालीको दशै तिहार वेलकम टु हुन्डाई परिवार’ अफरको विजेता

काठमाडौं – हुन्डाई गाडीको आधिकारिक वितरक लक्ष्मी इन्टरकन्टिनेन्टलले दशैं तिहारको उपलक्ष्यमा ल्याएको ‘यसपालीको दशैं तिहार वेलकम टु हुन्डाई परिवार’ अफरको बम्पर विजेताहरुको नाम घोषणा गरेको छ ।

सो अफर अनुरुप हरेक नयाँ हुन्डाई गाडीको खरिदमा ग्राहकहरुले आकर्षक नगद छुट र एक वर्षको लागि निःशुल्क बीमा, त्यसैगरी स्क्र्याच कार्डमार्फत थप १ लाख सम्मको नगद छुट साथै यस कठिन समयमा स्वास्थकर्मीहरुको समर्पण र अथक सेवालाई ध्यानमा राखी सम्मान स्वरुप बिशेष प्याकेज तथा बम्पर उपहार अन्तर्गत लक्की ड्रमार्पmत १–१ जना विजेतालाई हुन्डाई ग्रान्ड आई१० नियोस (म्याग्ना) र हुन्डाई अउरा (एस) जित्ने मौका थियो ।

हिजो सोमबार हिमालय टीभीमा लाइभ लक्की ड्रमार्फत गरिएको घोषणा अनुसार पहिलो बम्पर लक्की ड्र अन्तर्गत कुपन नम्बर १४४५, मैतीदेवी काठमाडौँका श्याम प्रसाद पौडेलले हुन्डाई ग्रान्ड आई१० नियोस (म्याग्ना) जितेका छन् ।

त्यसैगरी अफरको दोस्रो तथा अन्तिम बम्पर लक्की ड्र अन्तर्गत कुपन नम्बर १६१७, भरतपुर चितवनका चेत नारायण सापकोटाले हुन्डाई अउरा (एस) जितेका छन् ।

लक्की ड्र कार्यक्रमको मुख्य अतिथिहरुमा कन्ज्युमर आई नेपालकी अध्यक्ष श्रीमती बिमला खनाल तथा पुर्व राष्ट्रिय फुटबल क्याप्टेन अनिल गुरुङ रहेका थिए ।

हुन्डाईले सो योजना २०७७ असोज ५ देखि मंसिर ५ सम्म लागू गरेको थियो । आगामी दिनमा एक कार्यक्रमको आयोजना गरी विजेताहरुलाई गाडी हस्तान्तरण गरिने कम्पनीको भनाइ छ ।