नवीकरण र ट्रायल वाहेक अरु सबै सेवा स्थगित

काठमाडौं – यातायात व्यवस्था कार्यालय एकान्तकुनाले नवीकरण र ट्रायल वाहेक अरु सबै सेवाहरु स्थगित गरेको छ । शुक्रबार कार्यालयले एक सूचना जारी गर्दै धेरै कर्मचारीहरुमा कोरोना संक्रमण भएका कारण नवीकरण र ट्रायल बाहेक अरु सेवाहरु स्थागित गरेको जनाएको छ।

कोरोनाको बढ्दो त्रासले भिडभाडमा काम गर्दा सेवाग्राहीहरुको स्वास्थ्यमा समेत असर पर्ने भएकाले सेवाहरु स्थगित गरिएको कार्यालयले जनाएको छ।

माघ ९ गतेदेखि लाइसेन्स नवीकरणका लागि दिनको १ सय टोकन र अरु ट्रायलको मात्र सेवा हुने सूचनामा छ। कार्यालयले यो सेवा लिन आउने सेवाग्राहीसँग खोपकार्ड भने अनिवार्य हुनुपर्ने स्पस्ट पारेको छ ।

अन्य कार्यालयहरुले पनि अव विस्तारै यही व्यवस्था गर्ने अनुमान गरिएको छ ।