यी ७ नयाँ एसयुभीमा हुनेछ एड्भान्स्ड ड्राइभर एसिस्टेन्स सिस्टम(एडिएएस)

भारतीय बजारमा लन्च हुने तयारीमा रहेका ७ नयाँ एसयुभीमा एड्भान्स्ड ड्राइभर एसिस्टेन्स सिस्टम थप हुने संभवाना देखिएको छ । हाल महिन्द्रा एक्सयुभी ७०० र एमजी ग्लोस्टर तथा एस्टर एसयुभीमा उपलब्ध रहेको यो फिचर्सलाई एक्टिभ सेफ्टि समेत भन्ने गरिन्छ ।

गुडीरहेको गाडीलाई ठोक्किनबाट जोगाई ड्राइभर र प्यासेन्जरलाई सम्भाबित दुर्घटनाबाट बचाउने यो सिस्टममा अटोमेटिक इमर्जेन्सि ब्रेकिङ, पेडिस्ट्रियन डिटेक्सन, सराउन्ड भ्यू, पार्किङ एसिस्ट, ड्राइभर ड्रोजिनेस डिटेक्सन र गेज डिटेक्सन लगायत अन्य थुप्रै फिचर्स सामेल गराइएको हुन्छ ।

हुन्डाइले क्रेटा फेसलिफ्ट र टुसानको भारतीय स्पेकमा समेत यो फिचर्स थप गर्न सक्ने जनाइएको छ । जसमध्ये टुसानमा अटोनोमस इमर्जेन्सि ब्रेकिङ, ब्लाइन्ड स्पट डिटेक्सन, रियर क्र्यास ट्राफिक अलर्ट र लेन किप एसिस्ट सहित अन्य फिचर्स समेत उपलब्ध हुन सक्ने संभावना देखिएको छ । त्यसैगरी क्रेटा फेसलिफ्टमा ब्लाइन्ड स्पट वार्निङ, एडप्टिभ क्रुज कन्ट्रोल, अटोमेटिक इमर्जेन्सि ब्रेकिङ र लेन किप एसिस्ट फिचर्स सामेल हुनसक्ने देखिएको छ ।

जीपले ५ दिनपछि अर्थात यहि मार्च २९ मा लन्च गर्ने तयारी गरेको मेरिडियन एसयुभीमा यो फिचर्स रहने यसअघि नै बताइसकेको छ । जीपको यो एसयुभीमा एडप्टिभ क्रुज कन्ट्रोल, अटोमेटिक इमर्जेन्सि ब्रेकिङ र लेन किप एसिस्ट लगायत अन्य फिचर्स सामेल हुनसक्ने देखिएको छ ।

टाटा मोटर्सले ल्याउने तयारी गरेको सफारी र ह्यारियरको अपडेटेड मोडलमा समेत यो सिस्टम थप हुन सक्ने जनाइएको छ । यी नयाँ मोडलमा ब्लाइन्ड स्पट मोनिटरिङ, लेन एसिस्ट, अटोमेटिक इमर्जेन्सि ब्रेकिङ, एडप्टिभ क्रुज कन्ट्रोल र फ्रन्ट कोलिजन कन्ट्रोल लगायत अन्य फिचर्स सामेल हुनसक्ने देखिएको छ ।

सुजुकी र टोयोटाले संयुक्त रुपमा बिकास गरिरहेको नयाँ मिड साइज एसयुभीमा अटोनोमस लेवल २ फिचर्स सामेल हुनसक्ने जनाइएको छ । जसअन्तर्गत एडप्टिभ क्रुज कन्ट्रोल, अटोमेटिक इमर्जेन्सि ब्रेकिङ, व्लाइन्ड स्पट डिटेक्सन, ड्राइभर स्लिप डिटेक्सन, फरवार्ड कोलिजन वार्निङ र लेन चेन्ज एसिस्टेन्स लगायत फिचर्स सामेल हुन सक्नेछन् ।

कियाले सेल्टोसको फेसलिफ्ट मोडलमा पनि यो सिस्टम थप गर्न सक्ने संभावना ब्यक्त गरिएको छ । यो अपडेटेड मोडलमा पनि अटोनोमस लेवल २ फिचर्स अन्तर्गत एडप्टिभ क्रुज कन्ट्रोल, अटोमेटिक इमर्जेन्सि ब्रेकिङ, व्लाइन्ड स्पट डिटेक्सन, ड्राइभर स्लिप डिटेक्सन, फरवार्ड कोलिजन वार्निङ र लेन चेन्ज एसिस्टेन्स लगायत फिचर्स सामेल हुनसक्ने देखिएको छ ।

यसअघिका ग्लोस्टर र एस्टर एसयुभीमा यो फिचर्स सामेल गराइसकेको एमजी मोटर्सले हेक्टर एयुभीमा समेत एड्भान्स्ड ड्राइभर एसिस्टेन्स सिस्टम थप गर्न सक्ने देखिएको छ । यो एसयुभीमा एडप्टिभ क्रुज कन्ट्रोल, ३६० डिग्रि क्यामेरा, अटोमेटिक इमर्जेनिस ब्रेकिङ र लेन चेन्ज वार्निङ सहित अन्य फिचर्स थप हुनसक्ने संभावना देखिएको हो ।