कारको माइलेज परीक्षण गर्दा अनिबार्य एसी अन गर्नुपर्ने

भारतमा अव माइलेज परिक्षाण गर्दा एयर कन्डिसनर (एसी) अन गर्नुपर्ने नियम लागु हुने भएको छ । भारतको सडक यातायात तथा राजमार्ग मन्त्रालयले कारको माइलेज परीक्षणका लागि नयाँ नियम प्रस्ताव गरेको हो ।

उक्त प्रस्तावअनुसार, अटोमेकरहरूले अझ यथार्थपरक माइलेज आंकडाका लागि एसी स्विच अन र अफ गरेर इन्धन दक्षता परीक्षण गर्नुपर्नेछ । नयाँ नियम अक्टोबर १, २०२६ पछि भारतमा निर्मित वा आयात गरिएका सबै प्यासेन्जर कारमा लागु हुने जनाइएको छ ।

नयाँ नियम अन्तर्गत, कार निर्माताहरूले म्यानुअल वुक र वेबसाइटमा एसी अन गर्दा पाइने माइलेज र अफ गर्दा दिने माइलेजलाई छुट्टाछुट्टै उल्लेख गर्नुपर्ने उल्लेख गरिएको छ ।