जीडब्लूएमका ओरा५ र हाभल एच७ ले पाए यूरो एनक्यापमा ५ स्टार सेफ्टि रेटिङ
काठमाडौं–चिनियाँ अटोमोबाइल निर्माता ग्रेट वाल मोटर (जीडब्लूएम)का दुई मोडल...
काठमाडौं–चिनियाँ विद्युतीय सवारी निर्माता कम्पनी लिपमोटरले आफ्नो २० लाखौं सवारी उत्पादन गरेको छ । कम्पनीले नोभेम्बर १९ मा उत्पादन लाइनबाट २० लाखौं गाडी रोलआउट गरिएको घोषणा गरेको हो ।
यसै अवसरमा कम्पनीको फ्ल्यागसिप एसयूभी डी१९ को उत्पादन संख्या पनि ५० हजार पुगेको जनाइएको छ ।
कम्पनीका अनुसार २० लाखौं उत्पादनका रूपमा कालो रङको डी१९ एसयूभी उत्पादन भएको हो । लिपमोटरले सन् २०२५ को सेप्टेम्बरमा १० लाखौं गाडी उत्पादन गरेको थियो । त्यसको १४ महिनाभन्दा कम समयमा थप १० लाख गाडी उत्पादन गर्न सफल भएको हो ।
डी१९ लिपमोटरको डी सिरिजअन्तर्गतको पहिलो फुलसाइज फ्ल्यागशिप एसयूभी हो । यो मोडल बीईभी र एक्सटेन्डेड रेन्ज ईभी गरी दुई पावरट्रेन विकल्पमा उपलब्ध छ ।
लिपमोटरले सन् २०२६ को अक्टोबरमा विश्वभर १ लाख ६ हजार १२७ युनिट सवारी डेलिभरी गरेको थियो । यो अघिल्लो वर्षको सोही महिनाको तुलनामा ५१ प्रतिशत बढी हो । लगातार चार महिनादेखि कम्पनीको मासिक डेलिभरी १ लाख युनिटभन्दा माथि रहँदै आएको छ ।
सन् २०२६ को पहिलो १० महिनामा कम्पनीले कुल ७ लाख ७२ हजार ६६६ युनिट सवारी डेलिभरी गरेको छ । यो अघिल्लो वर्षको सोही अवधिको तुलनामा ६५.८८ प्रतिशत बढी हो ।
कम्पनीले सन् २०२६ मा १० लाख युनिट सवारी डेलिभरी गर्ने लक्ष्य राखेको छ । अन्तर्राष्ट्रिय बजार विस्तार र नयाँ मोडलको उत्पादन वृद्धिसँगै लिपमोटरले चिनियाँ ईभी स्टार्टअप कम्पनीहरूमध्ये आफ्नो स्थान थप बलियो बनाउँदै लगेको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...