ब्लेड ब्याट्रीका कारण विशेष एट्टो३, यी हुन् ४ प्रमुख विशेषता

काठमाडौं–विद्युतीय सवारी साधन (ईभी) तर्फ मानिसहरूको आकर्षण निरन्तर बढ्दै गए पनि अझै धेरै उपभोक्ताका मनमा दुई मुख्य चिन्ता रहने गर्छन्ः सुरक्षा र रेन्ज/ब्याट्रीको टिकाउपन ।

ब्याट्रीमा आगलागी हुने जोखिम र यात्राका क्रममा चार्ज सकिने डरलाई समाधान गर्न विश्व प्रसिद्ध ब्रान्ड बीवाईडीले बजारमा ब्लेड ब्याट्री ल्याएको छ ।

नयाँ युगको ब्याट्रीका रुपमा ख्याती कमाइरहेको यो ब्याट्री बीवाईडीका अन्य ईभीमा जस्तै नेपालमा सर्वाधिक बिक्री हुने विद्युतीय एसयूभी एट्टो३ मा समेत जडान गरिएको छ । यहि ब्याट्रीका कारण एट्टो३ चढ्ने ग्राहकले आँफूलाई निम्न ४ अवस्थामा ढुक्क महशुस गर्न सक्नेछन् ।

अत्यधिक सुरक्षित
सामान्य लिथियम–आयन ब्याट्रीहरू अत्यधिक तातेर वा दुर्घटनामा परेर क्षत–विक्षत हुँदा आगो लाग्ने वा विस्फोट हुने खतरा हुन्छ । तर बीवाईडी ब्लेड ब्याट्रीले ब्याट्री सुरक्षाको सबैभन्दा कठिन मानिने ‘नेल पेनेट्रेसन टेस्ट’ पास गरेको छ । तिखो काँटीले ब्याट्रीलाई सीधा छेड्दा पनि यसमा आगो लाग्दैन वा धुवाँ आउँदैन । ब्याट्रीको ब्लेड जस्तै पातलो र बलियो बनावटका कारण यो दुर्घटनाको समयमा पनि पूर्ण रूपमा सुरक्षित रहन्छ ।

लामो आयु
सामान्यतया मानिसहरूलाई ईभीको ब्याट्री कति वर्ष वा कति दूरीसम्म टिक्छ भन्ने चासो हुन्छ । बीवाईडी ब्लेड ब्याट्रीको आयु सोचेभन्दा धेरै लामो रहेको छ । यो ब्याट्रीले ५ लाख किलोमिटरभन्दा बढीको ड्राइभिङ माइलेजलाई सहजै सपोर्ट गर्ने दाबी गरिएको छ । यसको अर्थ गाडीको आयु सकिए पनि ब्याट्रीको कार्यक्षमता उच्च नै रहन्छ, जसले गर्दा सवारी धनीलाई ब्याट्री फेर्ने चिन्ता रहँदैन ।

द्रुत चार्जिङ
यात्रामा निस्कँदा चार्ज गर्न धेरै समय लाग्नु ईभीको अर्को ठूलो चुनौती हो । तर ब्लेड ब्याट्रीले फास्ट चार्जिङ क्षमतालाई नयाँ उचाइमा पु-याएको छ । बीवाईडी एट्टो ३ को कुरा गर्नुपर्दा, यो ब्याट्री मात्र ५० मिनेटमा शून्यबाट ८० प्रतिशतसम्म चार्ज हुन सक्छ । यात्राको क्रममा खाजा खाने वा केही बेर आराम गर्ने समयमै ब्याट्री पुनः यात्राका लागि तयार भइसक्छ ।

उत्कृष्ट ड्राइभिङ रेन्ज
दैनिक आउजाउका साथै लामो दूरीको यात्राका लागि यो ब्याट्री निकै उपयुक्त छ । बीवाईडी एट्टो ३ मा प्रयोग गरिएको ब्लेड ब्याट्रीले एक पटकको पूर्ण चार्जमा ४२० किलोमिटरसम्मको रेन्ज प्रदान गर्छ । यसले गर्दा चालकले छोटो वा मध्यम दूरीको यात्रामा बारम्बार चार्ज गरिरहनुपर्ने झन्झटबाट मुक्ति पाउँछन् ।

बीवाईडीको ब्लेड ब्याट्रीले सुरक्षा, लामो आयु, द्रुत चार्जिङ र उच्च रेन्जको उत्कृष्ट सन्तुलन मिलाएको छ । यस प्रविधिले विद्युतीय गाडीप्रतिको मानिसहरूको दृष्टिकोणमा सकारात्मक परिवर्तन ल्याउँदै ईभी उद्योगमा नयाँ मापदण्ड स्थापित गरेको छ ।