रेनो ट्राइबर टर्बो इन्जिनसहित लन्च हुने, सीएनजी भेरियन्ट पनि ल्याउने तयारीमा

रेनोले भारतीय बजारमा आफ्नो लोकप्रिय एमपीभी ट्राइबरलाई टर्बोचार्ज्ड इन्जिनसहित लन्च गर्ने तयारी गरिरहेको छ । मिडिया रिपोर्टका अनुसार नयाँ टर्बो ट्राइबर भारतीय बजारमा लन्च हुन सक्ने सम्भावना छ।

टर्बोचार्ज्ड पेट्रोल इन्जिन जडित नयाँ रेनो ट्राइबरले हालको नेचुरली एस्पिरेटेड इन्जिनको तुलनामा थप पावर र टर्क प्रदान गर्ने अपेक्षा गरिएको छ।कम्पनीले अहिलेसम्म नयाँ ट्राइबरको इन्जिन, पावर, टर्क र आधिकारिक मूल्यबारे पूर्ण विवरण सार्वजनिक गरेको छैन। तर, रिपोर्टका अनुसार यसमा रेनोको १.० लिटर टर्बो पेट्रोल इन्जिन प्रयोग हुन सक्ने अनुमान गरिएको छ। सो इन्जिनले १०० बीएचपीको पावर र १६० एनएमको टर्क उत्पादन गर्ने हुने अपेक्षा गरिएको छ।

रिपोर्टका अनुसार नयाँ एमपीभी टर्बो इन्जिनका साथै सीएनजी भेरियन्टमा पनि लन्च गर्न सक्ने अनुमान गरिएको छ । हालै यसकी सीएनजी भेरियन्ट ट्राइबर परीक्षणको समयमा देखिएको थियो ।

टर्बो इन्जिन थपिएसँगै नयाँ ट्राइबरको मूल्य हालको मोडलभन्दा केही महँगो हुने सम्भावना छ। नयाँ टर्बो ट्राइबरको मूल्य ७ लाख भारु भन्दा बढि हुन सक्ने अनुमान गरिएको छ। यद्यपि यसको वास्तविक मूल्य भने लन्चका क्रममा मात्रै स्पष्ट हुनेछ।