सार्वजनिक यातायातमा चार महिनादेखि लागेको रोक हट्यो, नयाँ दर्ता र रुट इजाजत पुनः खुला

काठमाडौं–चार महिनादेखि रोकिएको सार्वजनिक यातायातका सवारी साधनको नयाँ दर्ता तथा रुट इजाजत प्रक्रिया बागमती प्रदेश सरकारले पुनः खुला गरेको छ ।

यस निर्णयसँगै लामो समयदेखि नयाँ सवारी साधन खरिद गरेर दर्ताको पर्खाइमा रहेका यातायात व्यवसायी तथा अटोमोबाइल डिलरहरूलाई ठूलो राहत मिलेको छ ।

सरकारले विशेष गरी काठमाडौँ उपत्यकासहित प्रदेशका प्रमुख क्षेत्रहरूमा वातावरणमैत्री विद्युतीय सवारी साधन (ईभी) को प्रयोगलाई उच्च प्राथमिकता दिँदै दर्ता प्रक्रिया अघि बढाउने जनाएको छ ।

व्यवस्थित यातायात प्रणाली कायम गर्न तोकिएका मापदण्ड पालना गराउँदै नयाँ बस, मिनीबस, माइक्रो र अटोहरूको दर्ता पुनः सुरु गरिएकाले अटो क्षेत्रमा नयाँ उत्साह थपिएको छ ।