भरतपुरमा गुड्दै गरेको जीएसी एवोन वाई ईभीमा आगलागी, १ जनाको मृत्यु

काठमाडौं–चितवनको भरतपुर महानगरपालिका–९ बसन्तचोकस्थित पूर्व–पश्चिम राजमार्गको सर्भिस लेनमा गुड्दै गरेको जीएसी एवोन वाई ईभीमा अचानक आगलागी हुँदा गाडीभित्र सवार एक जनाको जलेर मृत्यु भएको छ ।

पूर्वबाट पश्चिमतर्फ जाँदै गरेको बा.प्र. ०१–०३० च ५५७९ नम्बरको कारमा शुक्रबार बिहान करिब ६ः०० बजे आगलागी भएको हो ।

प्रहरी र दमकल टोलीले आगो नियन्त्रणमा लिए पनि गाडीभित्र नाम र ठेगाना नखुलेका एक व्यक्ति मृत अवस्थामा फेला परेका छन् ।

आगलागीबाट गाडी पूर्ण रूपमा क्षति भएको छ भने जिल्ला प्रहरी कार्यालय चितवनका अनुसार घटनाको थप अनुसन्धान भइरहेको छ ।

आगलागी भएको उक्त गाडी सिजी मोटर्सले आयात गरी बिक्री गरेको हो ।