आईकार भी२३ खरिद गर्दा ३ लाख रुपैयाँ छुट, आज अन्तिम दिन

काठमाडौं–आईकार भी२३ खरिद गर्ने ग्राहकका लागि लागु गरिएको विशेष छुटको अफर नाडा अटो शो समापन भएसंगै आज समाप्त हुँदैछ ।

आईकारको नेपालका लागि आधिकारिक बिक्रेता एसपीजी अटोमोबाइल्सले आफ्नो चर्चित तथा लोकप्रिय मोडलमा ल्याएको यस अफरअन्तर्गत नाडा अटो शोको अवधिभर ग्राहकहरूले नियमित बिक्री मूल्य ५३ लाख ९९ हजार पर्ने भी२३ ३ लाख छुटका साथ ५० लाख ९९ हजारमै खरिद गर्ने अवसर पाएका थिए ।

कम्पनीले नाडा अटो शोमा गाडी खरिदकर्ताहरूलाई थप राहत र सुविधा पु¥याउने उद्देश्यले अफर सार्वजनिक गरेको हो । ३ लाख रुपैयाँ नगद छुटका अतिरिक्त नाडामा गाडी बुकिङ गर्ने ग्राहकहरूले निःशुल्क ७ किलोवाटको होम चार्जर, १ वर्षको निःशुल्क सवारी बीमा तथा ११ वर्षको एक्स्टेन्डेड वारेन्टीसमेत प्राप्त गर्नेछन् ।

आईकार भी२३ मा १०० किलोवाट क्षमताको रियर ह्वील ड्राइभ मोटर राखिएको छ भने ५९.९३ किलोवाट आवर क्षमताको एलएफपी ब्याट्री जडान गरिएको छ, जसले एक पटकको पूर्ण चार्जमा ४०० किलोमिटरसम्मको ड्राइभिङ रेन्ज प्रदान गर्छ ।

कारको ड्यासबोर्डमा १५.४ इन्चको २.५ के सेन्ट्रल कन्ट्रोल स्क्रिन, स्क्वायर सेपका एयरभेन्ट, स्मोक्ड फ्रन्ट ग्रिल, राउन्ड हेडल्याम्प, रुफ लगेज ¥याक र हिडन डोर ह्यान्डल जस्ता आधुनिक विशेषता उपलब्ध गराइएको छ ।