अष्ट्रेलियामा लन्च हुँदै महिन्द्रा एक्सईभी ९ई, परिक्षणमा देखियो

महिन्द्राले आफ्नो फ्ल्यागशिप विद्युतीय एसयुभी एक्सईभी ९ई अष्ट्रेलियाली बजारमा लन्च गर्ने तयारी गरेको छ । उक्त गाडी हालै मेलर्बनमा परिक्षण हुँदै गर्दा देखिएपछि छिट्टै लन्च हुने अनुमान गरिएको हो ।

एक्सईभी ९ई अष्ट्रेलियामा महिन्द्राको पहिलो ईभी हुने जनाइएको छ । आकर्षक डिजाइनको साथ यसमा एलईडी हेडलाइट र टेललाइट तथा ग्लस ब्ल्याक बडी क्ल्याडिङ जडान गरिएको छ ।

५९ किलोवाट आवर र ७९ किलोवाट आवर ब्याट्री प्याकमा उपलब्ध छ । यसको सानो ब्याट्री प्याक संस्करणमा रियर माउन्टेड इलेक्ट्रिक मोटर उपलब्ध गराइएको छ, जसले २२८ बीएचपी पावर र ३८० एनएम टर्क जेनेरेट गर्दछ । यस संस्करणले सिंगल चार्जमा ५४० किलोमिटर रेन्ज प्रदान गर्ने दाबी गरिएको छ ।

त्यसैगरी, अर्को ७९ किलोवाट संस्करणले सिंगल चार्जमा ६५६ किलोमिटर रेन्ज दिने दाबी गरिएको छ भने यसमा २८२ बीएचपी पावर र ३८० एनएम टर्क जनेरेट गर्ने थप शक्तिशाली इलेक्ट्रिक मोटर जडान गरिएको छ ।

सो विद्युतीय एसयूभीले अष्ट्रेलियामा बीवईडी सिलायन७, टेस्ला मोडल वाई र किया ईभी ५ लगायत मोडलसंग प्रतिस्पर्धा गर्नुपर्ने छ ।