घटेर आएपनि इन्धनको मूल्य यथावत राख्ने आयल निगमको निर्णय

काठमाडौं–नेपाल आयल निगमले पेट्रोलियम पदार्थको मूल्य हाललाई यथावत राख्ने निर्णय गरेको छ ।

इन्डियन आयल कर्पोरेसन (आईओसी) बाट घटेर नयाँ खरिद मूल्य प्राप्त भए पनि निगम सञ्चालक समितिको आइतबार बसेको बैठकले साविकको खुद्रा बिक्री मूल्यलाई नै निरन्तरता दिने निर्णय गरेको हो ।

नयाँ खरिद मूल्य अनुसार पेट्रोल, डिजेल र ग्यासको मूल्य यथावत हुँदा पनि निगमलाई पाक्षिक (१५ दिन) मा करिब ६२ करोड ८६ लाख रुपैयाँ घाटा हुने विज्ञप्तिमा उल्लेख छ ।

हाल काठमाडौं पेट्रोल प्रतिलिटर २१७ रुपैयाँ र डिजेल÷मट्टितेल प्रतिलिटर २२५ रुपैयाँ रहेको छ। त्यस्तै, खाना पकाउने एलपी ग्यासको मूल्य प्रतिसिलिन्डर २१६० रुपैयाँ नै कायम रहनेछ ।

हवाई इन्धन आन्तरिकतर्फ प्रतिलिटर २६९ रुपैयाँ कायम गरिएको निगमले जनाएको छ ।