ट्रायम्फ नेपालको ‘ट्रेल्स अफ द माउन्टेन लेक्स’ एपिक राइड सफलतापूर्वक सम्पन्न

काठमाडौं - हंशराज हुलासचन्द एण्ड कम्पनी प्रा. लि. अन्तर्गत ट्रायम्फ नेपालले “ट्रायम्फ एपिक राइड: मनाङ एडिसन – ट्रेल्स अफ द माउन्टेन लेक्स” मोटरसाइकल र्‍याली सफलतापूर्वक सम्पन्न गरेको छ। सात दिने सो विशेषा मोटरसाइकल यात्रा २०२६ अप्रिल २५ देखि मे १ सम्म आयोजना गरिएको थियो।

सो सात दिनको रोमाञ्चक यात्रामा ट्रायम्फ राइडरहरूले इटहरी र काठमाडौंबाट सुरु गरी हिमाली उपत्यका मनाङसम्मको एक अविस्मरणीय यात्रा अनुभव गरे। उनीहरूले ट्रायम्फ स्पिड ४००, स्क्र्याम्ब्लर ४०० एक्स र स्क्र्याम्ब्लर ४०० एक्ससी मोटरसाइकलमा विकट हिमाली भू-भाग, विभिन्न मठ-मन्दिरहरू, अफ-रोड चुनौती र उच्च हिमाली पासहरू सहित लामो दूरी पार गर्दै यात्रा तय गरे। 

सो यात्रा इटहरी र काठमाडौंबाट सुरु भई नारायणगढ हुँदै पहाडी घुमाउरो बाटो तर्फ अघि बढेको थियो । कठिन र चुनौतीपूर्ण बाटोमा बेसिसहर हुँदै २,६५० मिटर उचाइमा रहेको चामे पुगेका थिए । त्यसपछि यात्रा मनाङ पुग्दा हिमाली दृश्य, शितल हावा र रमणीय भू-भागको अनौठो अनुभव गरेका थिए । यात्राको सबैभन्दा आकर्षण तथा चुनौतीपूर्ण गन्तव्य ४,६२० मिटर उचाइमा रहेको आइस लेक (किचो ताल) रहेको थियो ।

सात दिनको यात्राका तालिका

पहिलो दिन: यात्राको पहिलो दिन इटहरी र काठमाडौंबाट आएका राइडरहरू चितवनको नारायणगढमा भेट भई अघि बढेका थिए ।

दोस्रो दिन: राइडरहरू बेसिसहर र चामे हुँदै साँघुरा र घुमाउरा बाटो पार गर्दै हिमाली क्षेत्रमा प्रवेश गरेका थिए ।

तेस्रो दिन: चामेदेखि ३९ किलोमिटर दुरी रहेको मनाङको ४,००० मिटर उचाइमा रहेको पिसाङ, ङावल र भ्राका हुँदै यात्रा अल्पाइन भू–भागमा रूपान्तरण भएको थियो । त्यहाँ ग्रीन लेक र ब्लु लेकको दृश्यले यात्रालाई अझ थप आकर्षक बनाएको थियो ।

चौथो दिन: मनाङदेखि (आइस लेक हुँदै) बेसिसहर (१०१ किमी | ४,६२० मि.) आइस लेकसम्मको कठिन यात्रा पश्चात् राइडरहरू बेसिसहरतर्फ अवतरण गरेका थिए । आइस लेकसम्मको यात्रामा भने बाटोले राइडर र मोटरसाइकल दुवैको क्षमता परीक्षण गरेको थियो ।

पाँचौं दिन: बेसिसहरको उच्च हिमाली क्षेत्रबाट फर्किँदै खुला राजमार्गको सडकतर्फ अघि बढेको यात्रा बीच बाटोमा आएको भारी वर्षाको अनुभव गर्दै राइडरहरूको समूह पाँचौ दिन मेघौली पुगेको थियो ।

छैठौं दिन: मेघौलीदेखि तराई क्षेत्रको लामो दूरीको यात्रासँगै साँस्कृतिक विविधताहरूको अनुभव गर्दै राइडरहरूको समूह छैठौं दिन जनकपुर पुगेको थियो ।

सातौं दिन: जनकपुरको जानकी मन्दिरको अवलोकनपछि राइडरहरू आफ्नो गन्तव्य इटहरी/काठमाडौं तर्फ फर्किँएसँगै ७ दिने एपिक राइड सफलतासँगै सम्पन्न भएको थियो ।

ट्रायम्फ नेपालका म्यानेजर सागर थापाले “ट्रायम्फ एपिक राइड: मनाङ एडिसन - ट्रेल्स अफ द माउन्टेन लेक्स केवल एक मोटरसाइकल यात्रा मात्र नभई, बिर्सनै नसकिने रोमाञ्चक अनुभव बनेको सुनाएका छन् ।”