४ लाख बढी दिपल ईभीमा गोल्डेनशिल्ड ब्याट्री, छैन एउटा पनि आगलागीको घटना

इलेक्ट्रिक भेइकलमा आगलागीका खबरहरू प्रायः हेडलाइन बन्छन् । सोलको पार्किङ ग्यारेजमा ब्याट्रीमा आगलागी, सांघाईमा चार्ज हुँदै गरेको गाडी रातभर जल्नु, म्युनिखमा जलिरहेको ईभीको झ्यालबाट परिवारले निस्कनु - यस्ता घटनाहरु हामी सुनिरहेका हुन्छौं जसले ईभी अपनाउने निर्णयमा डर र शंका पैदा गरिरहेको हुन्छ ।

यसबीच एउटा तथ्याङ्कले सबैको ध्यान तान्न सक्छ । चार लाख युनिट ।

यो संख्या हो - विश्वभरका सडकमा हाल गुडिरहेका दिपल ईभीको जसमा गोल्डेनशिल्ड ब्याट्री २.० जडान गरिएको छ । यी गाडीहरू चीनको चेङ्दुको गर्मी, हार्बिनको कठ्याङ्ग्रिने जाडो, थाइल्यान्डको उष्ण आद्र्ता र नेपालको उच्च हिमाली बाटोहरूमा भेटिन्छन्।

दैनिक यात्रा, लामो हाईवे ड्राइभ र प्रयोगशालामा पूर्ण रूपमा नक्कल गर्न नसकिने कठोर सडक अवस्थाहरूमा यी गाडीहरू परीक्षण भइसकेका छन् ।

सडकमा अहिले गोल्डेनशिल्ड ब्याट्री जडान भएका चार लाख ईभी छन् तर आगलागी भएको एउटा पनि घटना छैन ।

न एउटा थर्मल रनअवे । न विस्फोट । यो कुनै प्रयोगशालाको दाबी होइन । यो कुनै कम्प्युटर सिमुलेसनबाट निकालिएको अनुमान पनि होइन । यो वास्तविक चालक, वास्तविक सडक, वास्तविक मौसम र वास्तविक प्रयोगबाट बनेको सुरक्षा रेकर्ड हो ।

सन् २०२२ को अन्त्यतिर दिपलको व्यावसायिक सुरुवातपछि झण्डै तीन वर्षको प्रयोगमा यो रेकर्ड निर्माण भएको हो । डिसेम्बर २०२४ सम्म दिपलले आफ्नो ४ लाखौँ गाडी डेलिभर गरिसकेको थियो, केवल २९ महिनामा, आधुनिक अटोमोबाइल इतिहासकै सबैभन्दा तीव्र उत्पादन विस्तारमध्ये एक ।

यो स्तरको सुरक्षा संयोगले बनेको होइन । चांगानकाे ब्याट्री सुरक्षा अनुसन्धान टोलीका प्रमुख झाङ योउछुनले यो उपलब्धि सम्भव बनाउनु अघि चीनको चोङछिङस्थित परीक्षण प्रयोगशालामा ६ वर्ष बिताए । उनको टोलीले सन् २०२४ मा मात्रै १२६ वटा ब्याट्री सुरक्षा परीक्षण ग-यो । ब्याट्री सेललाई १४० सेकेन्डसम्म प्रत्यक्ष आगोमा राखियो, ब्याट्री प्याकलाई १०,००० किलोपास्कल पानीको दबाबमा एक घण्टासम्म डुबाइयो, र उद्योगकै सबैभन्दा खराब अवस्थाको परीक्षणका रूपमा दुईवटा सेलमा एकैपटक स्टिलको कीला छेडियो ।

हरेक परीक्षणमा गोल्डेनशिल्डले असाधारण परिणाम दियो, न आगो, न विस्फोट, न धुवाँ ।

यही उपलब्धिका कारण चांगान र दिपलले चीनको नेसनल साइन्स एन्ड टेक्नोलोजी प्रोग्रेस अवार्ड जितेकाे थियो जुन चीनको इन्जिनियरिङ क्षेत्रमा दिइने सबैभन्दा उच्च वैज्ञानिक सम्मान हो ।

नेपालजस्तो बजारमा, जहाँ ईभी अपनाउने गति बढिरहेको छ र ब्याट्रीप्रतिको चिन्ता अझै पनि खरिद निर्णयको सबैभन्दा ठूलो बाधा बनेको छ, यो रेकर्ड अझै महत्वपूर्ण हुन्छ । नेपाली सडक सजिला छैनन् । उचाइ वास्तविक चुनौती हो । तराईदेखि पहाडसम्मको तापक्रम भिन्नता ठूलो छ । र हरेक ईभी खरिदकर्ताले गाडी किन्नुअघि सोध्ने प्रश्न एउटै हुन्छ, ब्याट्रीमा केही समस्या आयो भने के हुन्छ ? गोल्डेनशिल्डको जवाफ भने सबैभन्दा सरल र सबैभन्दा शक्तिशाली छ ।

कम्पनीले भनेकाे छ - ४ लाख ईभी । हरेक प्रकारको बाटो । हरेक प्रकारको मौसममा यो ब्याट्री प्रमाणित छ ।