ट्रम्पको चेतावनीले तेलको मूल्य चार वर्षयताकै उच्च विन्दूमा, प्रतिब्यारेल १२६ डलर नाघ्यो

अमेरिका–इरान युद्धबारे अमेरिकी राष्ट्रपति डोनाल्ड ट्रम्पको अभिव्यक्तिका कारण विश्व बजारमा तेलको मूल्य चार वर्षयताकै उच्च विन्दूमा पुगेको छ ।

ट्रम्पले इरान नाकाबन्दी ‘महिनौंसम्म’ चल्न सक्ने चेतावनी दिएपछि तेलको मूल्य अहिलेसम्मकै उच्चस्तरमा पुगेको हो । ब्रेन्ट तेलको मूल्य बुधबार प्रतिब्यारेल १२६ डलरभन्दा माथि पुगेको छ । जुन २०२२ पछि सबैभन्दा उच्च हो ।

ट्रम्पले इरानका बन्दरगाहहरूमा अमेरिकाको नाकाबन्दी महिनौंसम्म जारी रहन सक्ने बताएका छन् र शान्ति वार्ता पनि ठप्प भएकापछि तेलको मूल्यवृद्धि उच्च भएको हो । २४ घण्टामा १३ प्रतिशतभन्दा बढी वृद्धि हुँदै ब्रेन्ट कच्चा तेल युद्ध सुरु भएयताकै उच्चस्तरमा पुगेको छ ।

२८ फेब्रुअरीमा युद्ध सुरु भएदेखि हालसम्मको मूल्यलाई हेर्दा, यसअघि रूसको २०२२ को युक्रेन आक्रमणपछि ब्रेन्ट तेल १२० डलरभन्दा माथि पुगेको थिएन । त्यतिबेला मूल्य १३९ डलरमा पुगेको थियो ।

ट्रम्प अमेरिकी नौसेनाले इरानी बन्दरगाहमा लगाएको नाकाबन्दी कायम राख्न इच्छुक देखिएपछि तेल बजारमा ठूलो अस्थिरता देखिएको छ । इरानले पनि होर्मुज जलडमरूमध्यलाई लगभग सबै तेल ट्यांकरका लागि बन्द राखेको छ ।