पेट्रोलमा ८५ प्रतिशत इथानोल मिसाउने भारतको तयारी

मध्यपूर्ब युद्धले विश्वव्यापी ऊर्जा सुरक्षालाई गम्भीर असर पारेपछि ऊर्जा आयातमा भारतको निर्भरता चिन्ताको कारण बनेको छ ।

इन्धनमाथिको निर्भरता कम गर्न र यसको संकट टार्न भारत सरकारले पेट्रोलमा ८५ प्रतिशतसम्म इथानोल मिश्रण गर्ने तयारी थालेको छ ।

मिडिया रिपोर्टका अनुसार, भारतले हाल कायम २० प्रतिशतबाट बढाएर ८५ प्रतिशत इथानोल मिश्रण गर्न सकिने नयाँ नियम ल्याउन लागेको छ ।

नयाँ नियमबारे बजार सहमति पहिले नै प्राप्त भइसकेको छ र ८५ प्रतिशतका लागि सवारी साधनहरूको प्रारम्भिक परीक्षण सम्पन्न भएको जनाइएको छ ।

यद्यपि, हाल उपलब्ध इन्धनमा भने ८५ प्रतिशत इथानोल मिश्रण गर्न नसकिने बताइएको छ । साथै, मिश्रणको यो स्तर सामान्य इन्जिनहरूमा प्रयोग गर्न सकिँदैन ।