महिलाका लागि निःशुल्क ब्लु बसदेखि सार्वजनिक सवारी र राइड सेयरिङमा यस्ता हुनेछन् व्यवस्था

काठमाडौं - बालेन्द्र शाह नेतृत्वको नयाँ सरकारले सय दिने कार्यसूची सार्वजनिक गर्दै सार्वजनिक यातायात प्रयोग गर्दा विभिन्न नयाँ व्यवस्था गरिने उल्लेख गरेको छ ।

यस अनुसार महिलाहरुको सुरक्षित आवागमन सुनिश्चित गर्न सातै प्रदेशमा निःशुल्क ब्लुबस सेवा सञ्चालन गर्ने बताइएको छ । पहिलो चरणमा १०० दिन भित्र कम्तिमा २५ वटा बस सञ्चालन गर्ने बताइएको छ । यो भन्दा पहिले राष्ट्रिय स्वतन्त्र पार्टीले चितवनमा यस्तो बस केही समय चलाएको थियो ।

त्यसैगरी सार्वजनिक यातायातमा हुने लैंगिक हिंसा रोकथाम गर्न सबै सवारी साधनमा सीसीटीभी वा ड्यासक्याम जडान गर्ने र राइड सेयरिङ एपहरुमा एसओएस बटन अनिवार्य गरी आकस्मिक तथा खतराको सूचना प्रहरीसम्म तत्काल पुग्ने व्यवस्था मिलाउने कार्य ३० दिनमा सम्पन्न गर्ने बताइएको छ ।