कच्चा तेलको मूल्य प्रतिब्यारेल ११२ डलर नाघ्यो, इन्धन हाहाकार अझै चुलिने खतरा

काठमाडौं–मध्यपूर्व युद्धका कारण कच्चा तेलको मूल्य हालसम्मकै सर्बाधिक महंगो भएको छ । इरान र कतारका ग्यास क्षेत्रमा आक्रमण भएपछि कच्चा तेलको मूल्य प्रतिब्यारेल ११२ डलर नाघेको हो ।

विश्वको सबैभन्दा ठूलो प्राकृतिक ग्यास क्षेत्रमा भएका हवाई आक्रमण र त्यसपछिको तनावका कारण अन्तर्राष्ट्रिय बजारमा इन्धनको मूल्यले अकास छोएको छ ।

बिहीबार एसियाली बजार कारोबारको सुरुआतमै ब्रेन्ट क्रुड आयलको मूल्य ५ प्रतिशतले बढेर प्रतिब्यारेल ११२ अमेरिकी डलर पुगेको छ । यस्तै, बेन्ट आयल प्रतिब्यारेल ११५ अमेरिकी डलर पुगेको छ ।

क्रुड र बेन्ट आयलको मूल्य रेकर्ड ब्रेकमा बढेपछि इन्धन हाहाकार अझै चुलिने देखिएको अन्तर्राष्ट्रिय सञ्चार माध्यमले जनाएका छन् ।

इरानी सञ्चार माध्यमका अनुसार इरानको ‘साउथ पार्स’ ग्यास क्षेत्रमा रहेको पेट्रोकेमिकल कम्प्लेक्समा हवाई आक्रमण भएको छ । यसको केही घन्टापछि कतारले पनि आफ्नो ‘रास लफान’ औद्योगिक क्षेत्रमा इरानी आक्रमणबाट व्यापक क्षति भएको पुष्टि गरेको छ ।