सीएटीएलको वार्षिक खुद नाफा नै १० अर्व डलर, विकास र अनुसन्धानमा ३.२१ अर्व डलर खर्च

विश्वको सबैभन्दा ठूलो ब्याट्री निर्माता सीएटीएलले हालसम्मकै सर्बाधिक वार्षिक आम्दानी गरेको छ । कम्पनीले जरी गरेको वित्तीय प्रतिवेदन अनुसार २०२५ मा १०.४६ अर्ब अमेरिकी डलरको खुद नाफा आर्जन गरेको हो, जुन वार्षिक ४२.२८ प्रतिशत वृद्धि हो ।

सो वर्ष कम्पनीले ७७२ गिगावाट आवर ब्याट्री उत्पादन गरेको र हालसम्मकै सर्बाधिक ६६१ गिगावट आवर ढुवानी गरेको जनाइएको छ । प्रतिवेदन अनुसार सीएटीएलले २०२५ मा ६१.४१ अर्ब अमेरिकी डलरको वार्षिक राजस्व हासिल गरेको छ, जुन गत वर्षको तुलनामा १७.४ प्रतिशतले बढि हो ।

कम्पनीले सोही वर्ष अनुसन्धान र विकासमा ३.२१ अर्ब अमेरिकी डलर खर्च गरेको छ, जुन गत वर्षको तुलनामा १९.०२ प्रतिशतले बढि हो भने राजस्वको ५.२३ प्रतिशत हो । कम्पनीले २२ हजार ९०१ जना कर्मचारीलाई अनुसन्धान र विकासमा संलग्न गराएको छ ।