हुन्डाईका गाडी टेस्ट ड्राइभ गर्दा फिफा विश्वकप २०२६ खेल प्रत्यक्ष हेर्ने अवसर

काठमाडौं – नेपालका लागि हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले फिफा विश्वकप २०२६ सँगको हुन्डाईको विश्वव्यापी साझेदारीको अवसरमा ‘हुन्डाई फिफा विश्वकप २०२६™ टेस्ट ड्राइभ अभियान’ सुरु गरेको छ।

यो अभियान अप्रिल २०२६ सम्म सञ्चालन हुनेछ। नेपालभर रहेका हुन्डाईका कुनै पनि शोरूममा गई कुनै पनि हुन्डाई गाडीको टेस्ट ड्राइभ गर्ने ग्राहकहरूले फिफा विश्वकप २०२६ का खेल आयोजक देशहरू अमेरिका, क्यानडा वा मेक्सिको मध्ये कुनै एकमा प्रत्यक्ष रूपमा हेर्ने जीवनमा एकपटक मात्र प्राप्त हुने अवसर जित्ने मौका पाउनेछन्। भाग्यशाली विजेताले यो अविस्मरणीय अनुभव आफ्ना एक जना सहयात्रीसँग साझा गर्दै विश्वकै सबैभन्दा ठूलो फुटबल मञ्चको रोमाञ्चसँगै अनुभूति गर्न सक्नेछन्।

यस अभियानमार्फत ग्राहकहरूले टेस्ट ड्राइभमार्फत हुन्डाई गाडीको आरामदायी सुविधा, उन्नत प्रविधि र उत्कृष्ट प्रदर्शन प्रत्यक्ष रूपमा अनुभव गर्ने अवसर पनि प्राप्त गर्नेछन्। साथै, यस अवधिमा हुन्डाई गाडी बुक गर्ने ग्राहकहरूले विशेष लाभहरू प्राप्त गर्नेछन्, जसले ग्राहकहरूको हुन्डाई अनुभवलाई अझ आकर्षक र लाभदायक बनाउनेछ।

फिफा विश्वकप २०२६ को आधिकारिक साझेदारको रूपमा हुन्डाईले उत्साह, प्रदर्शन र प्रगतिलाई उत्सव मनाउने विश्वव्यापी मञ्चमार्फत आफ्ना ग्राहकहरूसँग निरन्तर सम्बन्ध मजबुत गर्दै आएको बताएको छ। इच्छुक ग्राहकहरूलाई नजिकको हुन्डाई शोरुममा गई टेस्ट ड्राइभ अभियानमा सहभागी भई फिफा विश्वकप २०२६ को रोमाञ्चक यात्राको हिस्सा बन्न कम्पनीले आग्रह गरेको छ ।