भ्यालेन्टाइन डे अवसरमा बीवाईडीको एक्सक्लुसिभ फ्ल्यास सेल, एट्टो १ मा २ लाख छुट र अन्य अफर

काठमाडौं – नेपालका लागि बीवाईडीको आधिकारिक वितरक साइमेक्स इंकले भोलि फेब्रुअरी १४ मा मनाइने भ्यालेन्टाइन डे अवसरमा एक्सक्लुसिभ फ्ल्यास सेल अफर ल्याएको छ ।

यस अन्तर्गत साइमेक्स इंकले बीवाईडी एट्टो १ गाडीमा एकै पटक २ लाख रुपैयाँ मूल्य कम गरेको छ । बीवाईडी एट्टो १ को स्प्राउट ग्रिन कलर एडिसनको डाइनामिक भेरिएन्टको मूल्य २८ लाख ९५ हजार र प्रिमियम भेरिएन्टको मूल्य ३० लाख ९९ हजार रुपैयाँ भएकोमा दुवै भेरिएन्टको मूल्यमा २ लाख रुपैयाँ कमी गरिएको छ । यस अनुसार यी दुई भेरिएन्टको मूल्य क्रमशः २६ लाख ९५ हजार र ३० लाख ९९ हजार रुपैयाँ हुनेछ ।

यी वाहेक कुनै पनि पुरानो गाडीसँग साट्ने वा नयाँ गाडी किन्ने ग्राहकका लागि नगद छुट, फ्रि एसेसरिज, फ्रि ट्राभल चार्जर, १ वर्षको फ्रि अटो प्लस इन्स्योरेन्स, १ वर्षको फ्रि रोड ट्याक्सका साथै १० वर्ष वा २ लाख किलोमिटर सम्मको एक्सटेन्डेड वारेन्टी उपलब्ध हुनेछ ।

फेब्रुअरी १४ मा हुने भ्यालेन्टाइन डेका दिन मात्र सो अफर उपलब्ध हुने समेत कम्पनीको भनाइ छ ।

बीवाईडीको एड्भान्स्ड ई–प्लेटफर्म ३.० मा बनेको र क्रान्तिकारी ब्लेड ब्याट्रीद्वारा सुसज्जित एट्टो १ मा सेल–टु–बडी (सीटीबी) टेक्नोलोजी रहेको छ, जसले एकीकृत बनावट र गाडीको सुरक्षालाई मजबुत बनाएको छ, जुन ईभीका लागि विशेष रुपमा बनेको छ ।

पालमा डाइनामिक र प्रिमियम गरी दुई भेरिएन्टका बीवाईडी एट्टो १ ईभी उपलब्ध हुने छन् । डाइनामिकमा ३०.०८ किलोवाट आवरको ब्याट्री छ, जसले सिंगल चार्जमा २३० किलोमिटरको डब्लुएलटीपी रेन्ज दिन्छ । त्यसैगरी प्रिमियममा ३८.८८ किलोवाट आवरको ब्याट्री छ, जसले ३०० किलोमिटरको डब्लुएलटीपी रेन्ज दिन्छ ।