उत्सर्जन परीक्षणका लागि भारतले डब्लुएलटीपी साइकल अपनाउने

भारतले अव उत्सर्जन परीक्षणका लागि वल्र्डवाइड हार्मोनाइज्ड लाइट भेइकल टेस्ट प्रोसिड्युर (डब्लुएलटीपी) साइकल अपनाउने घोषणा गरेको छ । अप्रिल १, २०२७ देखी सो नयाँ मापदण्ड अपनाउने भारत सरकारले घोषणा गरेको हो ।

सडक यातायात तथा राजमार्ग मन्त्रालयले केन्द्रीय मोटर सवारी नियम, १९८९ मा संशोधन मार्फत सूचना जारी गरेको छ । यस अन्तर्गत, एम१ र एम२ श्रेणीमा बीएस६ सवारी साधनहरूको उत्सर्जन मापदण्ड डब्लुएलटीपी साइकल प्रयोग गरेर परीक्षण गरिनेछ।

एम१ र एम२ श्रेणीका सवारी साधनहरूमा यात्रुवाहक कार, एसयुभी, एमपिभी र कमर्सियल प्यासेन्जर वर तथा भ्यानहरु समावेश छन् । परीक्षणहरू एआईएस–१७५ मा निर्दिष्ट प्रक्रियाअनुसार चेसिस डायनामोमिटरमा गरिने जनाइएको छ ।

भारत सरकारले हाल, इन्धन दक्षता र उत्सर्जन परिक्षणलाई भारतीय ड्राइभिङ साइकल (एमआईडिसी) का आधारमा गर्दै आएको छ । डब्लुएलटीपी साइकललाई ‘रियल वर्ल्ड ड्राइभिङ कन्डिसन’मा बास्तविक मापदण्ड मानिन्छ ।