जीहो ईभी केयर क्याम्पमा उत्साहजनक सहभागिता

काठमाडौं – नेपालका लागि सीएफमोटो र जीहो इलेक्ट्रिक स्कुटरको आधिकारिक वितरक रिलायन्स ग्रुप अन्तर्गतको ऋषि ट्रेड सेन्टरले हिजो देखि सुरु गरेको ‘जीहो ईभी केयर क्याम्प’ नामक फ्रि इलेक्ट्रिक स्कुटर चेकअप कार्यक्रममा उत्साहजनक सहभागिता देखिएको छ ।

यस अन्तर्गत इलेक्ट्रिक स्कुटरको ब्याट्री हेल्थ र चार्जिङ सिस्टम चेक, सफ्टवेयर एन्ड पर्फमेन्स स्क्यान, मोटर एन्ड कन्ट्रोलर इन्स्पेक्सन, ब्रेक एन्ड सस्पेन्सन चेक तथा टायर, लाइट एन्ड इलेक्ट्रिकल डायग्नोस्टिक्स गरिएको छ ।

सो क्याम्प आगामी माघ २९ सम्म हुनेछ । सो अवसरमा रनिङ पार्ट्समा २० प्रतिशत र अन कभर आइटम एन्ड एसेसरिजमा ३५ प्रतिशत सम्म छुट जस्ता आकर्षण समेत रहने छन् ।

जीहो ब्रान्डका इलेक्ट्रिक स्कुटर सो अवसरमा चेकअप गर्न सकिने ऋषि ट्रेड सेन्टरका जनरल म्यानेजर उज्वल जोशीले बताए । आफ्ना स्कुटरको राम्रो सर्भिसिङ वाहेक अन्य आकर्षक अफरको समेत फाइदा लिन उनले अनुरोध गरे । उनले भने - क्याम्पमा प्रयोगकर्ताहरूको अपेक्षा भन्दा बढी सहभागिता देखिएको छ। दुईपाङ्ग्रे विद्युतीय सवारीसाधनमा जीहोले सुरु गरेको यस पहलले ग्राहकहरूमा अझ बढी विश्वास र आत्मविश्वास बढाएको प्रष्ट देखिन्छ।

अहिलेको युग विद्युतीय सवारीसाधनको युग भएकाले कम्पनीले बिक्रीपछिको सेवामा निरन्तरता दिने प्रतिबद्धता समेत स्पष्ट पारेको छ। उन्नत प्रविधि, लामो ब्याट्री लाइफ साइकल र उच्च मोटर क्षमतासहित प्रस्तुत जीहोका ईभी स्कुटरहरू क्रमशः ग्राहकहरूको पहिलो रोजाइ बन्दै गएको देखिन्छ।

नेपाली बजारमा जीहो एई ६, एई ४ र एई ८ इलेक्ट्रिक स्कुटर पहिले देखि नै बिक्रीका लागि उपलब्ध छन् । यी स्कुटरमा जीहो राइड एप्स, लिथियम आयोन ब्याट्री, आईपी ६७ प्रोटेक्सन, सेन्सर, जीहो ब्याट्री म्यानेजमेन्ट सिस्टम (बीएमएस) जस्ता विशेषताहरु उपलब्ध छन् ।